ގއ. ދެއްވަދޫ ކްލަސްޓާ އިން ކޮވިޑު-19 އަށް ޕޮޒިޓިވްވީ މީހުންގެ އަދަދު 52 އަށް އަރައިފިއެވެ.
އެޗްޕީއޭއިން މިރޭ ބުނީ ގއ. ދެއްވަދޫ ކްލަސްޓާ އާއި ގުޅުހުރި ބަލި މީހުން 5 ރަށަކުން ފެނިފައިވާ ކަމަށެވެ. އެއީ ދެއްވަދޫގެ އިތުރުން ގއ. ވިލިނގިލި، ދާންދޫ، އަދި ލ ފޮނަދޫ އާއި ލ. ގަމުންނެވެ.
މިހާތަނަށް ދެއްވަދޫއިން 43 މީހަކު ޕޮޒިޓިވްވެފައިވާ އިރު މިއަދު ގއ. ވިލިނގިލި އިން މީހަކާއި ގއ. ދާންދޫއިން 2 މީހަކު ވަނީ ޕޮޒިޓިވްވެފައެވެ.
މީގެ އިތުރުން މި ކްލަސްޓަ އާއި ގުޅުންހުރި ދެ މީހަކު ލ. ގަމުން ފެނިފައިވާ އިރު ލ. ފޮނަދޫއިން ވަނީ 4 މީހަކު ފެނިފައެވެ.
ދެއްވަދޫ ކްލަސްޓާ އާއި ގުޅިގެން މިހާތަނަށް 255 ކޮންޓެކްޓެއް ވަނީ ފެނިފައެވެ. އޭގެ ތެރެއިން 101 ފަރާތަކީ ހައި ރިސްކު ކެޓަގަރީގެ މީހުންނެވެ. އަދި 650 އަށް ވުރެ ގިނަ ސާމްޕަލް މިހާތަނަށް ވަނީ ނެގިފައެވެ.