އައްޑޫ ސިޓީ ހިތަދޫން މަހަށް ފުރި ލޯންޗެއް ދިޔަވާތީ އެމްއެންޑީއެފުން ހަރަކާތްތެރިވާން ފަށައިފިއެވެ.
އެމްއެންޑީއެފުން ބުނީ ހިތަދޫ އިން ހަތް މީހުންނާއެކު މަހަށް ފުރި "ބްލެކް ހެރޮން" ނަމަކަށް ކިޔާ ލޯންޗެއް ދިޔަވާތީ އެމްއެންޑީއެފް ސަދަން އޭރިއާ ކޯސްޓްގާޑް ސްކޮޑްރަން އިން ހަރަކާތްތެރިވަމުންދާ ކަމަށެވެ.
އެގޮތުން ދިޔަވަމުންދާ ލޯންޗު ހިތަދޫ އަށް ވެއްދުމަށް ސިފައިން އަންނަނީ ހަރަކާތްތެރިވަމުންނެވެ. ލޯންޗު ދިޔަވާން ފެށީ ހިތަދޫ ކައިރިއަށް މަހަށް ނިކުމެ އުޅެނިކޮށް ކަމަށް އެމްއެންޑީއެފުން ބުނެއެވެ.
މި ހާދިސާގެ ރިޕޯޓު އެމްއެންޑީއެފް އަށް ލިބިފައިވަނީ މިއަދު ހަވީރު 17:13 ހާއިރުއެވެ.