ރައްޔިތުންގެ މަޖިލީހުގެ ދައުރުން ބޭރުން ބޭއްވުމަށް މިއަދު ތާވަލު ކުރި ޖަލްސާ ކޯރަމް ހަމަނުވެގެން ލަސްކުރަން ޖެހިއްޖެ އެވެ.
މިއަދުގެ ޖަލްސާއަށް ތާވަލުކޮށްފައިވަނީ ސަރުކާރުގެ ފަރާތުން ހުޅުމާލެ ދާއިރާގެ މެމްބަރު އަލީ ނިޔާޒް ހުށަހެޅުއްވި ލޯކަލް ކައުންސިލްތަކުގެ އިންތިހާބުގެ ހާއްސަ ގާނޫނަށް އިސްލާހު ހުށަހެޅުމުގެ ބިލު ކޮމިޓީން ދިރާސާކޮށް ނިންމި ގޮތުގެ ރިޕޯޓް އިއްވާ އެޔަށް ބަހުސް ކުރުމެވެ.
މިއަދުގެ ޖަލްސާ ފެށުމަށް އެޖެންޑާ ކޮށްފައިވަނީ 10:00 އަށެވެ. އެހެންނަމަވެސް 10:15 ވީއިރުވެސް ކޯރަމް ހަމަނުވުމުން މަޖިލީހުގެ ނައިބު ރައީސް އީވާ އަބްދުﷲ ވަނީ އެކަން ފާހަގަކުރައްވާފަ އެވެ. އަދި ވިދާޅުވީ ކޯރަމް ހަމަވޭތޯ އިތުރު 10 މިނެޓް ބައްވާނެ ކަމަށެވެ.
މަޖިލީހުގެ ގަވައިދު ބުނާގޮތުން މަޖިލީހުގެ ކޯރަމްއަކީ 25 އިއްސައްތަ އެވެ.