ޗީފް އޮފް ޑިފެންސް ފޯސް މޭޖަ ޖެނެރަލް އަޙުމަދު ޝިޔާމްގެ ނަންފުޅުގައި ސޯޝަލް ނެޓްވޯކްގައި ދައުރުވަމުން ދަނީ "ފޭކް" ޓްވިޓަ އެކައުންޓެެއް ކަމަށް އެމްއެންޑީއެފުން ބުނެފި އެވެ.
އެމްއެންޑީއެފުން ނެރުނު ބަޔާނެއްގައި ބުނީ ޗީފް އޮފް ޑިފެންސް ފޯސް އަށް، ނިސްބަތްވެވަޑައި ގަންނަވާ ގޮތަށް ސޯޝަލްނެޓް ވޯކްގައި މިހާރު ދައުރުވަމުންދާ ޓްވިޓާ އެކައުންޓް "Ahmed Shiyam @GeneralAshiyam" އަކީ ސައްޙަ ޓްވިޓަ އެކައުންޓެއް ނޫން ކަމަށެވެ.
އަދި ޗީފް އޮފް ޑިފެންސް ފޯސް، މޭޖަ ޖެނެރަލް އަޙުމަދު ޝިޔާމަކީ މިހާތަނަށް ދުވަހަ ކުވެސް ފޭސްބުކް އެކައުންޓެއް އަދި ޓްވިޓަ އެކައުންޓެއް ވެސް ހައްދަވާފައިވާ ބޭފުޅެއް ވެސް ނޫން ކަމަށް ވެސް އެމްއެންޑީފުން ބުންޏެވެ. އަދި އެފަދަ އެކައުންޓެއް ކުރި މަގުގައި ވެސް އެ މަނިކުފާން ގެންގުޅުއްވުމުގެ ވިސްނުންފުޅެއް ވެސް ނުގެންގުޅުއްވާ ކަމަށް ބަޔާނުގައިވެ އެވެ.
އެހެން ކަމުން ޗީފް އޮފް ޑިފެންސް ފޯސްގެ ނަންފުޅުގައި ދައުރުވަމުންދާ ފޭކް ޓްވިޓަ އެކައުންޓް ފޮލޯކުރައްވާ ފަރާތްތަކުން މިކަމަށް ސަމާލުވެ ލެއްވުމަށް އެމްއެންޑީއެފުނަ ވަނީ އިލްތިމާސްކޮށްފަ އެވެ.