ހާއްސަ ހުއްދައެއްގެ ދަށުން ފ. ނިލަންދޫއަށް ދިޔަ މީހަކު ކޮވިޑަށް ޕޮޒިޓިވް ވުމާއި ގުޅިގެން އެ ރަށުން ގިނަ ބަޔަކު ކަރަންޓީން ކޮށްފި އެވެ.
ހެލްތް އިމަޖެންސީ އޮޕަރޭޝަން ސެންޓަރު (އެޗްއީއޯސީ)އިން ބުނެފައިވަނީ ނިލަންދޫ 30 މީހަކު އެ ރަށުގެ 10 ގެއަށްގައި ކަރަންޓީން ކޮށްފައިވާކަމަށެވެ.
ހާއްސަ ހުއްދަ އެއްގެ ދަށުން ނިލަންދޫއަށް ދިޔަ މީހަކު ކޮވިޑަށް ޕޮޒިޓިވް ވެފައިވާއިރު، އެނގިފައިވާ ގޮތުގައި ކޮވިޑަށް ޕޮޒިޓިވްވީ މީހަކީ އެންވަޔަރަމެންޓް ޕްރޮޓެކްޝަން އެޖެންސީ (އީޕީއޭ) ގެ ފަރާތުން ހާއްސަ ހުއްދައެއްގެ ދަށުން އެރަށައް ސާވޭއަކަށް ދިޔަ މީހެކެވެ. އެމީހާއާއި އެކު އިތުރު ހަތަރު މީހަކު ވަނީ ރަށައް ގޮސްފައެވެ.