ކުރީގެ ރައީސް އަދި އެމްޑީޕީގެ ރިޔާސީ ކެންޑިޑޭޓް މުހައްމަދު ނަޝީދުގެ އެދިވަޑައި ގަތުމަކަށް ރައީސް ޑރ. މުޙަންމަދު ވަޙީދު، ކުރީގެ ނަޝީދާ ރޭ ބައްދަލު ކުރައްވައިފި އެވެ.
ރައީސް އޮފީހުން ބުނީ ނަޝީދުގެ އެދިވަޑައިގަތުމަކަށް މުލިއާގޭގައި ރޭ ބޭއްވި މި ބައްދަލު ކުރެއްވުމުގައި، މައިގަނޑު ގޮތެއްގައި ވާހަކަ ދެއްކެވީ، ރިޔާސީ އިންތިޚާބާ ބެހޭ ގޮތުންނެވެ.
މިގޮތުން، ދެއްކެވި ވާހަކަފުޅުގައި، އިންތިޚާބު ބާއްވާނެ ތާރީޚެއް ކަނޑަނޭޅި ލަސްވަމުންދާތީ، އެކަމުގެ ކަންބޮޑުވުން، ނަޝީދު ފާޅު ކުރެއްވި އެވެ.
ރައީސްގެ ވާހަކަފުޅުގައި، އިއްޔެ އެ މަނިކުފާނު ޤައުމާ މުޚާޠަބު ކުރައްވައި ދެއްކެވި ވާހަކަފުޅުގައި ވިދާޅުވި ފަދައިން، މާލަހެއް ނުވެ، އިންތިޚާބާބެ ހޭ ނިންމެވުމެއް ސުޕްރީމް ކޯޓުން ނިންމަވާނެ ކަމަށް އުންމީދު ކުރައްވާ ކަމަށް ވިދާޅުވި އެވެ.
އަދި ހަމައެހެން، އިންތިޚާބު ކާމިޔާބު ކުރައްވާ ކެންޑިޑޭޓަކާ ސަރުކާރު ޙަވާލުކު ރެއްވުމުގެ މަސައްކަތް، ޤާނޫނާ އެއްގޮތްވާ ގޮތުގެ މަތިން ކުރައްވާނެ ކަމުގެ ޔަޤީންކަން ރައީސް ދެއްވިއެވެ.
ރައީސުލްޖުމްހޫރިއްޔާ ކުރައްވާ އުންމީދަކީ، އަވަސް، ޞުލްޙަވެރި، ޑިމޮކްރެޓިކް އިންތިޚާބެއް ބޭއްވި، ޤައުމަށް ހަމަޖެހުން އައިސް، ޞުލްޙަ މަސަލަސްކަން ޤާއިމުވެގެން ދިޔުން ކަމަށް ވެސް ވިދާޅުވި އެވެ.