ރިޔާސީ އިންތިހާބް އަވަސް ކުރަން ގޮވާލުމަށް ބާއްވާ ވަރަށް ހާއްސަ ޖަލްސާއެއް މިރޭ ސ. ހިތަދޫގައި އޮންނާނެ ކަމަށް އެމްޑީޕީން ބުނެފި އެވެ.
އެ ޕާޓީން ބުނީ "އިންތިހާބު އަަވަސް ކެރައު، ގާނޫނު އަަސާސީ ހިމާޔަތް ކެރައު: އައްޑޫން އެއްވެނީ" ގެ ނަމުގައި މިރޭ 8:30 ގައި ފަށާ ޖަލްސާ އޮންނާނީ ހިތަދޫ ކުޑަ ކުދިންގެ ޕާކާ ދިމާލުން މޫދާވީ ފަރާތުގައި އޮންނަ ހިއްކި ސަރަހައްދުގައި ކަމަށެވެ.
އެމްޑީޕީގެ އޮފިޝަލަކު ވިދާޅުވީ މި ޖަލްސާގައި އެ ޕާޓީގެ ވަގުތީ ޗެއާޕާސަން ރީކޯ މޫސާ މަނިކުގެ އިތުރުން ހިތަދޫ މެދު ދާއިރާގެ މެމްބަރު މުުހައްމަދު ރަޝީދުގެ އިތުރުން އުތުރު ދާއިރާގެ މެމްބަރު އަސްލަމާއި ކާށިދޫ ދާއިރާ މެމްބަރު ރޮޒައިނާ އާދަމާއި އޭނާގެ ފިރިކަލުން އަހުމަދު ނާޝިޒާއި މަޑަވެލި ދާއިރާ މެމްބަރު މުހައްމަދު ނާޒިމްގެ އިތުރުން ވައިކަރަދޫ ދާއިރާ މެމްބަރު އަހުމަދު އަބްދުﷲ ވެސް ބައިވެރިވަޑައިގަންނަ ވާނެ ކަމަށެވެ.