މިއަދު ހަވީރު ސ. ގަމުން މާލެ އަށް ފުރަން އުޅުނު މޯލްޑިވިއަންގެ ބޯޓަކަށް ތެޔޮ ނޭޅިގެން ނުފުރި ލަސްވެއްޖެ އެވެ.
އެހެން ނަމަވެސް ބޯޓަށް ތެޔޮ ނޭޅިގެން ދިމާވި މައްސަލަ ހައްލުކޮށް، މިހާރު ވަނީ ގަމުން ފުރައިފަ އެވެ.
ގަން އެއާޕޯޓް ހިންގާ އައްޑޫ އިންޓަނެޝަނަލް އެއާޕޯޓް (އޭއައިއޭ) ގެ އޮފިޝަލަކު ވިދާޅުވީ މޯލްޑިވިއަންގެ ބޯޓަށް ތެޔޮ ނޭޅި ލަސްވާން ޖެހުނީ އެ ކުންފުނީގެ ފައިނޭންޝަލް ޑިޕާޓްމަންޓާއި މޯލްޑިވިއަން އާ ދެމެދު ހިނގި "މިސްކޮމިއުނިކޭޝަނެއްގެ" ސަބަބުން ކަމަށެވެ.
އެހެން ނަމަވެސް އެކަން ހައްލުކޮށް، އިތުރު މައްސަލައެއް ދިމާ ނުވެ ބޯޓަށް ތެޔޮ އަޅައިގެން ފުރާފައިވާ ކަމަށް އޭނާ ވިދާޅުވި އެވެ.
ބޯޓަށް ތެޔޮ ނޭޅިގެން ފުރުން ލަސްވާތީ ބައެއް ޕެސެންޖަރުން ކަންބޮޑުވުން ފާޅު ކުރި ކަމަށް "އައްޑޫ ލައިވް" އަށް އެނގިފައިވެ އެވެ.
މިކަމާ ބެހޭ ގޮތުން މޯލްޑިވިއަންގެ ބަހެެއް ލިބޭ ގޮތެއް ނުވި އެވެ.
އެއާޕޯޓްގެ ފިއުލް މެނޭޖް ކުރަނީ ގަން އެއާޕޯޓް ހިންގާ އޭއައިއޭގެ ކޮންސޯޓިއަމްގައި ހިމެނޭ އެސްޓީއޯ އިންނެވެ