ހެލްތު އިމަޖެންސީ އޮޕަރޭޝަން ސެންޓަރ (އެޗްއީއޯސީ) އިން ކުއްލި ނޫސް ކޮންފަރެންސެއް މިއަދު ހަވީރު ބާއްވަން ނިންމައި ނޫސްވެރިންނަށް ދައުވަތު އަރުވައިފިއެވެ.
މިއަދު ހަވީރު 16:30 ގައި ފެށުމަށް ހަމަޖެހިފައިވާ ނޫސް ކޮންފަރެންސުގައި އޮންލައިންކޮށް ބައިވެރިވުމަށް ވަނީ އެދިފައެވެ.
އެޗްއީއޯސީން މިއަދު ކުއްލި ނޫސް ކޮންފަރެންސެއް ބާއްވާއިރު ރާއްޖޭގައި ކޮވިޑު ފެތުރޭ މިންވަރު މިވަނީ ބޮޑުތަނުން އިތުރުވެފައެވެ. އަދި މިކަމުގެ ސަބަބުން ފަރުވާ ދިނުމަށް ނުކުޅެދި ހިނގައިދާނެ ކަމުގެ އިންޒާރު ވަނީ ދީފައެވެ.
މިއަދު ނޫސް ކޮންފަރެންސެއް ބާއްވާއިރު އިއްޔެ ވަނީ ރާއްޖޭގައި ކޮވިޑު ވެކްސިން ދޭންވެސް ފަށާފައެވެ. ނަމަވެސް ކޮވިޑު ވެކްސިން ޖެހުމާއި ދެކޮޅަށް އިދިކޮޅު ފަރާތްތަކުން އަންނަނީ ކެމްޕެއިންކޮށް ރައްޔިތުންގެ މެދުގައި ބިރުވެރިކަން އުފައްދަމުންނެވެ.