އެމްޑީޕީން މާލޭގައި އިއްޔެ ރޭ ކުރި މުޒާހަރާގައި ހައްޔަރު ކުރި 12 މީހުންގެ ތެރެއިން އަށް މީހެއްގެ ބަންދުގެ މުއްދަތު އިއްޔެ އިތުރު ކުރި އިރު އޭގެ ތެރޭގައި އައްޑޫ ދެ މީހަކު ވެސް ހިމެނިއްޖެ އެވެ.
ފުލުހުން ބުނީ އެ މައްސަލާގައި ހިމެނޭ އައްޑޫ ދެ މީހުންނަކީ ސ. މަރަދޫ، މޯނިންރޯރީ ޢަބްދުލްހާދީ، 57، އާއި ސ. މީދޫ، މީރާޒް މުޙައްމަދު ޝިރާރު، 34، ކަމަށެވެ.
މި ދެ މީހުންގެ ބަންދުގެ މުއްދަތަށް 10 ދުވަސް ކޯޓުން ވަނީ އިތުރުކޮށް ދީފަ އެވެ.
ހާދީ އާއިި ޝިރާރު (ފޮޓޯގައި) ގެ އިތުރުން 10 މީހަކު ފުލުހުންގެ ބެލުމުގެ ދަށަށް ގެންދިޔައީ މާލޭގެ އެކި ސަރަޙައްދުތަކުގައި ހިންގި ހަމަނުޖެހުންތަކުގައި ލަޓިބުރިތައް ހިފައިގެން ސަލާމަތީ ބާރުތަކާ ކުރިމަތިލުމާއި މާރާމާރީ ހިންގަން މަސައްކަތް ކުރުމާއި ފުލުހުންގެ ދައުރު އަދާކު ރުމަށް ހުރަސް އަޅައި އަމުރަށް ނުކިޔަމަންތެރިކަން ވުމާ ގުޅިގެން ކަމަށް ފުލުހުން ބުންޏެވެ.
މި މައްސަލަތައް ފުލުހުންގެ ކްރިމިނަލް އިންވެސްޓިގޭޝަން ޑިޕާޓްމަންޓުން އަންނަނީ ތަހުގީގު ކުރަމުންނެވެ.