ކޮވިޑު ފެތުރުން ކޮންޓްރޯލް ކުރުމުގެ ގޮތުން ބޭންކު އޮފް މޯލްޑިވްސް (ބީއެމްއެލް)ގެ ހިދްމަތްތަކަށް ބަދަލު ގެނެސްފިއެވެ.
ބޭންކުން ބުނީ މިއަދުން ފެށިގެން މުވައްޒަފުން ހިދްމަތް ދޭނީ ޝިފްޓް ޑިއުޓީގަ އާއި ވަކިވަކި ޓީމްތަކަށް ބަހާލައިގެންނެވެ. އަދި ބައެއް މުވައްޒަފުން ހިދްމަތް ދެމުންދާނީ ގޭގައި ތިބެގެންނެވެ. މި ބަދަލުތަކާއި ގުޅިގެން ބޭންކުން ފޯރުކޮށްދޭ ބައެއް ހިދްމަތް ލިބުމުގައި ލަސްވެދާނެ ކަމަށެވެ.
އެގޮތުން އަމިއްލަ ފަރުދުންނާއި ވިޔަފާރިތަކުގެ އެކައުންޓް ހުޅުވުމާއި، ރާއްޖެއިން ބޭރަށް ފައިސާ ފޮނުވުމާއި، ލޯކަލް ބޭންކު ޓްރާންސްފާ އަދި ކާޑު ޕްރޮސެސް ކުރުމާއި، ޗެކް ޕްރޮސެސް ކުރުމުގެ މަސައްކަތް ލަސްވެގެންދާނެކަމަށެވެ.
މީގެ އިތުރުން ޕޭ ރޯލް ހިދުމަތް (މުވައްޒަފުންގެ މުސާރަޖަމާކޮށްދިނުން) ގެ އިތުރުން ރަށްރަށުގައި ބެހެއްޓިފައިވާ އޭޓީއެމް ސާވިސް ކުރުމުގެ މަސައްކަތުގެ އިތުރުން ކަސްޓަމަރުންނަށް މައުލޫމާތު ދިނުމާއި ޖަވާބު ދިނުން ކޮންމެވެސް ވަރަކަށް ލަސްވާނެ ކަމަށް ބޭންކުން ބުންޏެވެ.