އެމްޑީޕީގެ އައްޑޫ އިސް އެކްޓިވިސްޓެއް ކަމަށްވާ މުހައްމަދު ސައީދު (މުއްލާ) ގެ ކާރުގެ ބިއްލޫރިގަނޑެއް ރޭ ތަޅާލައިފި އެވެ.
މި ހާދިސާ ހިނގާފައި ވަނީ އެ ކާރު ރޭ ސައިކަލަކާ ޖެހި އެކްސިޑެންޓެއް ވެސް ވެފައި ވަނިކޮށެވެ.
ބައެެއް މީހުން ބުނި ގޮތުގައި ފޭދޫ "ޓޫ ޕްލަސް ވަން" މާޓް ހިންގާ މުއްލާގެ "ފިޔާތޮށި" ކާރު އެކްސިޑެންޓްވީ ޕީޕީއެމްގެ ޒުވާނަކު ދުއްވި ސައިކަލެއްގައި ޖެހިގެންނެވެ. ބައެއް މީހުން ތުހުމަތު ކުރި ގޮތުގައި އެ ސައިކަލް ގޮސް ކާރުގެ ކުރި މައްޗަށް އަރައި އެކްޑެންޓްވީ އެވެ. ސައިލް އޮތީ ކާރުގެ ކުރިމަތިން، ސައިކަލެއްގެ ބައެއް ކާރުގެ ދަށަށް ވަދެފަ އެވެ.
މުއްލާގެ "ފިޔާތޮށި" ކާރަށް ގެއްލުންތަކެއް ދީފައިވާ އިރު، އެމްޑީޕީގެ ތާޅަފިލިއެެއްގެ ގޮތުގައި މުއްލާ "ރީނދޫ" ކާރެއް ވެސް ގެންގުޅެ އެވެ.
މުއްލާއަކީ ރައްޔިތުންގެ މަޖިލީހުގެ އިންތިހާބުގައި 2009 ވަނަ އަހަރު ފޭދޫ ދާއިރާ އަށް ކުރިމަތިލި މީހެކެވެ. އަދި އޭނާއަކީ ފެބްރުއަރީ 8، 2012 ގައި އައްޑޫގައި ހިންގި ހުޅު ޖެހުމުގެ ހާދިސާގެ ތުހުމަތުގައި ހައްޔަރުކޮށް، ދައުވާ ވެސް ކުރާ މީހެކެވެ.