ސެޕްޓެމްބަރު 7 ގައި ބޭއްވި ރިޔާސީ އިންތިޚާބުގެ ފުރަތަމަ ބުރުގެ ނަތީޖާ ޤަބޫލު ނުކޮށް ޖުމްހޫރީ ޕާޓީއިން ސްޕްރީމް ކޯޓަށް ހުށަހެޅި މައްސަލައިގެ ހުކުމުގައި ފުރަތަމަ ބުރުގެ ނަތީޖާ ބާތިލު ކުރުމަށް ސްޕްރީމް ކޯޓުން ކުރި ހުކުމާ ގުޅިގެން ރިޔާސީ އިންތިޚާބާ ގުޅޭ ގޮތުން އިލެކްޝަންސް ކޮމިޝަން (އީސީ) އިން ކަނޑައަޅާ ނިންމާ ގޮތެއްގެ މަތީން ކުރިޔަށް ދިއުމަށް އެމްޑީޕީން ނިންމައި އަލުން "އެއްބުރުން" ކެމްޕޭން ފަށައިފި އެވެ.
މިއަދު ބޭއްވި އެމްޑީޕީގެ ޤައުމީ ހިންގާ ކޮމިޓީގެ ބައްދަލުވުމުގައި ނިންމާފައިވާ ގޮތުން ކުރިއަށް އޮތް ރިޔާސީ އިންތިޚާބުގައި އެމްޑީޕީން ބައިވެރިވުމަށް ނިންމާފައި ވަނީ ރިޔާސީ އިންތިޚާބާ ގުޅޭ ގޮތުން އިލެކްޝަންސް ކޮމިޝަނުން ކަނޑައަޅައި ނިންމާ ގޮތެއްގެ މަތީންނެވެ.
އަދި ޤައުމީ ހިންގާ ކޮމިޓީން މިއަދު މި ގޮތަށް ނިންމުމާ ގުޅިގެން އެމްޑީޕީގެ "އެއްބުރުން" ކެމްޕެއިން ގެ ހަރަކާތްތައް މި ރެ އިން ފެށިގެން ކުރިއަށް ގެންދާ ގޮތަށް ވެސް ވަނީ ހަމަޖައްސައިފަ އެވެ.
"އެއްްބުރުން" ވެހިކަލް ބުރެއް މިއަދު ހަވީރު އައްޑޫގައި ވަނީ ފަށައިފަ އެވެ.
ރިޔާސީ އިންތިހާބުގެ ފުރަތަމަ ބުރުގައި އެމްޑީޕީގެ ރިޔާސީ ކެންޑިޑޭޓް މުހައްމަދު ނަޝީދަށް 95،000 އަށް ވުރެ ގިނަ ވޯޓް ލިބުނު ކަމަށް ދެއްކި ނަމަވެސް، އިންތިހާބުގައި ވަނީ ބޮޑެތި އޮޅުވާލުންތަކެއް އޮޅުވާލައިފަ އެވެ.