ސ. ހިތަދޫ މަސް މާރުކޭޓްގެ އުތުރުން ހުރި ޢިމާރާތް "މަގަވަރި ހޮޓާ" ކުއްޔަށް ދޫކުރަން އަލުން ފުރުސަތު ހުޅުވާލައިފި އެވެ.
އައްޑޫ ސިޓީ ކައުންސިލުން ބުނީ އެކަމާ ގުޅޭ ގޮތުން ކުރިން ކުރި އިޢުލާންގައި ފުރިހަމަ ކުރަން ޖެހޭ ކަންތައްތަކެއް ފުރިހަމަ ނުކުރެވި ހުރުމުގެ ސަބަބުން އެ އިޢުލާން ބާތިލްކޮށް އަލުން އެ ފުރުސަތު ހުޅުވީ ކަމަށެވެ.
އެހެންވެ ހިތަދޫ ބަނދަރު މަތީގައި ހުންނަ މަގަވަރި ހޮޓާ ހިންގި ޢިމާރާތާއި އެ ޢިމާރާތަށް ކަނޑައެޅިފައިވާ ބިން ކުއްޔަށް ހިފުމަށް ޝައުޤުވެރިވާ ފަރާތްތަކުން މި މަހުގެ ވާ ބުރާސްފަތިދުވަހުގެ 11:00 ކައުންސިލް އިދާރާ އަށް ވަޑައިގެން މަޢުލޫމާތު ސާފުކުރެއްވުމަށް ފަހު މި މަހުގެ 20 ވާ އާދީއްތަ ދުވަހުގެ 11:00 އަށް ކައުންސިލް އިދާރާއަށް ވަޑައިގެން ޕްރޮޕޯސަލް ހުށަހަޅަން ޖެހެ އެވެ.
ކައުންސިލުން ބުނީ މަޢުލޫމާތު ސާފު ކުރެއްވުމާއި ބިޑް ހުށަހެޅުއްވުމަށް ވަޑައިގަންނަވަން ޖެހޭ ގަޑީގެ ފަހުން ވަޑައިގަންނަވާ ބޭފުޅުންނަށް މަޢުލޫމާތު ދިނުމާއި ބިޑް ބަލައިގަތުމުގެ ސެޝަންގައި ބައިވެރިނުވެވޭނެ ކަމަށެވެ.
އަދި މަޢުލޫމާތު ހޯދުމަށް ވަޑައިނުގަންނަވާ ފަރާތްތަކަށް ޕްރޮޕޯސަލް ހުށަހެޅުމުގެ ފުރުސަތު ވެސް ނޯންނާނެ ކަމަށެވެ.