ބްރޮޑްކާސްޓިން ކޮމިޝަން (ބްރޮޑްކޮމް)ގެ ހުސްވެފައިވާ މެމްބަރުގެ މަގާމަށް ރައީސުލްޖުމްހޫރިއްޔާ އިބްރާޙިިިމް މުހައްމަދު ސޯލިހް މަޖިލީހަށް ފޮނުވި ނަންފުޅުތަކުގެ އެންމެ ކުރީގައި ރާއްޖެޓީވީގެ ނޫސްވެރިޔާ މުހައްމަދު ފަޒީން ހިމަނައިފި އެވެ.
ބްރޮޑްކޮމްގެ މެމްބަރުކަމަށް އައްޔަން ކުރަން ރައީސް ސޯލިހް ވަނީ 10 ބޭފުޅެއްގެ ނަން ރައްޔިތުންގެ މަޖިލީހަށް ފޮނުވާފައެވެ.
ރައީސް ފޮނުވި ނަންތަކުގެ ތަރުތީބު:
1) މުހައްމަދު ފަޒީން، ހޭޒްލީން/ ބ. ތުޅާދޫ
2) އައިޝަތު ޝިފްޒާ މުސްތަފާ، މާދަނޑު- އާސާން/ ޏ. ފުވައްމުލައް
3) ޝިފާ ތައުފީގް ހ. ހާޖަރާގެ
4) އަލީ މުހައްމަދު މަނިކު، ދަފްރަރު ނަންބަރު: ރސ1851
5) އަހްމަދު މޫސާ، ހ. އަބްސާވިލާ
6) ޒުބައިރު އަހްމަދު މަނިކު، ގ. މަލްބިނަބް
7) ހަސަން ރަޝީދު، ފްލާވާގެ/ސ. މަރަދޫ
8) އައިޝަތު ހުސައިން މަނިކު، ހ. ރީދޫކޮކާގެ
9) މުހައްމަދު ޝާމިން، އިރުދޭމާގެ، ގދ. ގައްދޫ
10) ހުސައިން އަމްރު، ވ. ރޯޝަން
މި ނަންތައް ދިރާސާ ކުރުމަށް ވަނީ މިނިވަން މުއައްސަސާ ކޮމިޓިއަށް ފޮނުވާފައެވެ.
ބްރޯޑްކޮމްގެ މެމްބަރުކަމުގެ ގޮޑި ހުސްވީ، ކޮމިޝަންގެ މެމްބަރުކަން ކުރެއްވި ޒީނާ ޒާހިރު ވަކި ކުރުމުގެ މަސައްކަތް މަޖިލީހުން ކުރަމުން ދަނިކޮށް، އަމިއްލަފުޅަށް މަގާމުން އިސްތިއުފާ ދެއްވުމާ ގުޅިގެންނެވެެ.