އައްޑޫގެ އެއް ގެއިން އަނެއް ގެޔަށް ދިއުން މަނާކޮށް ވަކި ގަޑިތަކެއްގައި ކާފިއު ހިންގުމަށް ނިންމާފައިވާކަމަށް އައްޑޫ ސިޓީ ކައުންސިލުން ބުނެފިއެވެ.
އައްޑޫގެ މޭޔަރ އަބްދުﷲ ސޯދިގު (ސޯބެ) އައްޑޫލައިވްއަށް މައުލޫމާތު ދެއްވަމުން ވިދާޅުވީ އައްޑޫގައި ކޮމިއުނިޓީ ސްޕްރެޑެއް އޮތުމުގެ ބިރު އޮތުމާއި އެކު ވަކި ގަޑިތަކެއްގައި އައްޑޫގައި ކާފިއު ހިންގުމަށް ނިންމާފައިވާކަމަށެވެ.
އެގޮތުން އެއް ގެއިން އަނެއް ގެޔަށް ދިއުމާއި، އައްޑޫގެ ގުޅިފައިވާ ރަށްތަކަށް ދަތުރު ކުރުން މަނާ ވެގެންދާނެކަމަށެވެ. މީގެ އިތުރުން ކެފޭ ރެސްޓޯރެންޓު ފަދަ ތަންތަނުން ހަމައެކަނި ޑެލިވަރީ ހިދްމަތް ފޯރުކޮށްދޭ ގޮތަށް މިހާރުވެސް ނިންމާފައިވާ ކަމަށެވެ. އަދި ބޯ ކޮށާ ތަންތަނާއި ގާޑިޔާތައް ބަންދު ކުރުމަށް ވަނީ ނިންމާފައެވެ.
ސޯބެ ވިދާޅުވީ ކާފިއު ހިންގިއަސް ފިހާރަތައް އެޗްޕީއޭގެ އުސޫލާއި އެއްގޮތަށް ހުޅުވިފައި ހުންނާނެކަަމަށެވެ.
ތަފްސީލް އަންނަނީ…