އައްޑޫ އޭވިއޭޝަން ކްލަސްޓަރ އާއި ގުޅުން ހުރި ދެވަނަ މީހަކު ގދ. ތިނަދޫން ކޮވިޑު-19އަށް ޕޮޒިޓިވްވެއްޖެއެވެ.
ތިނަދޫގައި ހުންނަ ޑރ. އަބްދުއް ސަމަދު މެމޯރިއަލް ހޮސްޕިޓަލުން ބުނީ އައްޑޫ އޭވިއޭޝަން ކްލަސްޓައިން ފުރަތަމަ ޕޮޒިޓިވްވި މީހާގެ ޑައިރެކްޓް ކޮންޓެކްޓްއެއްގެ ގޮތުގައި ތިނަދޫއިން ފާހަގަ ކުރެވުނު މީހެއް ކޮވިޑު-19 އަށް ޕޮޒިޓިވްވެފައިވާ ކަމަށެވެ. މިއީ މި ކްލަސްޓަރ އިން ތިނަދޫ އިން ޕޮޒިޓިވްވި ދެވަނަ މީހާއެވެ. މީގެ އިތުރުން އިއްޔެ ތިނަދޫން ނެގި ރެންޑަމް ސާމްޕަލަކުން އެކަކު ވަނީ ޕޮޒިޓިވްވެފައެވެ.
މި ވަގުތު ތިނަދޫގެ ކޮވިޑު އެކްޓިވް ކޭސްގެ އަދަދަކީ 3 އެވެ.
ތިނަދޫއިން މިއަދު ޕޮޒިޓިވްވީ މީހާ އާއި އެކު އޭވިއޭޝަން ކްލަސްޓަރއިން ޕޮޒިޓިވްވީ މީހުންގެ އަދަދު މިވަނީ 24 އަށް އަރާފައެވެ. އެއީ އައްޑޫން ޕޮޒިޓިވްވީ 22 މީހުންނާއި ތިނަދޫން ޕޮޒިޓިވްވީ ދެ މީހުންނެވެ.