ސ. ގަމުގައި ބޭއްވި އޭވިއޭޝަން ސެކިއުރިޓީ ކޮމާންޑުގެ ޓްރެއިނިންއަށް ދިޔަ މީހުންނާއި ގުޅުން ހުރި ކްލަސްޓަރ (އޭވިއޭޝަން ކްލަސްޓަރ)ގެ ކޮންޓެކްޓުންގެ ތެރޭގައި 3 ބިދޭސީން ހިމެނޭކަމަށް އައްޑޫގެ މޭޔަރ އަބްދުﷲ ސޯދިގު (ސޯބެ) ވިދާޅުވެއްޖެއެވެ.
ސޯބެ ވިދާޅުވި ފާއިތުވި 24 ގަޑި އިރު ތެރޭ އޭވިއޭޝަން ކްލަސްޓަރ އާއި ގުޅުން ހުރި 6 މީހަކު ކޮވިޑު-19 އަށް ޕޮޒިޓިވްވެފައިވާ އިރު ޑައިރެކްޓު ކޮންޓެކްޓުންގެ އަދަދު 300 އަށް ވުރެ މައްޗަށް ގޮސްފައިވާ ކަމަށެވެ. އަދި އޭގެ ތެރޭގައި 3 ބިދޭސީން ހިމެނުމާއި އެކު ނުރައްކާ ވަރަށް ބޮޑުވެފައިވާ ކަމަށެވެ.
އައްޑޫގައި ކޮންޓެކްޓު ޓްރޭސިން ހަދަމުންދާތީ މިވަގުތު އެއްގެއިން އަނެއް ގެޔަށް ދިއުން ވަނީ މަނާކޮށްފައެވެ. އަދި ބިދޭސީން ގޭގެއަށް މަސައްކަތް ކުރުމަށް ގެނައުންވެސް ވަނީ މަނާކޮށްފައެވެ. މީގެ އިތުރުން ރޭގަނޑު 8 އިން ފަތިހު 4 އާއި ހަމައަށް ކާފިއު ވަނީ އިއްލާން ކުރެވިފައެވެ.
އޭވިއޭޝަން ކްލަސްޓަރ އާއި ގުޅުން ހުރި 28 މީހަކު މިވަނީ ކޮވިޑަށް ޕޮޒިޓިވްވެފައެވެ.