ކަބީރު ހާންގެ އާ ފިލްމްގެ ލީޑް ރޯލަށް ސައިފް އަލީ ހާނާއި ކެޓްރީނާ ކެއިފް ހަމަޖައްސައި ފިލްމްގެ ނަމަކަށް "ދަނިޔާލް ހާން" ހަމަޖައްސައިފި އެވެ.
މިއީ މިދިޔަ އަހަރު ރިލީީޒް ކުރި އެންމެ ކާމިޔާބް ފިލްމްތަކުގެ ތެރޭގައި ހިމެނޭ ސަލްމާން ހާނާއި ކެޓްރީނާ ލީޑް ރޯލް ކުޅުނު "އެކް ތަ ޓައިގާ" އަށް ފަހު ކަބީރު ޑައިރެކްޓް ކުރާ ފުރަތަމަ ފިލްމެވެ.
އަދި މިއީ ކަބީރުގެ ފިލްމެއްގައި ސައިފް މަސައްކަތް ކުރާ ފުރަތަމަ ފަހަރު ވެސް މެ އެވެ. ސައިފާއި ކެޓްރީނާ މީގެ ކުރިން ވަނީ 2008 ގައި ރިލީޒްވި "ރޭސް" ގައި އެކުގައި މަސައްކަތްްކޮށްފަ އެވެ.
އެހެން ނަމަވެސް ކަބީރުގެ ފެވަރިޓް ކެޓްރީނާ ވަނީ "އެކް ތަ ޓައިގާ" ގެ އިތުރުން ކަބީރުގެ "ނިއުޔޯކް" ގެ ބަތަލާގެ ރޯލް ވެސް ކުޅެފަ އެވެ.
އެހެންވެ "ދަނިޔާލް ހާން" ވެގެން ދާނީ ކަބީރާ އެކު ކެޓްރީނާ ހަރަކާތްތެރިވާ ތިން ވަނަ ފިލްމަށެވެ.
މީޑިއާ ރިޕޯޓްތައް ބުނާ ގޮތުގައި ސާޖިދް ނަދިއަދްވާލާ ޕްރޮޑިއުސް ކުރާ މި ފިލްމް ބިނާކޮށްފައި ވަނީ މުމްބާއީ އަށް 2008 ވަނަ އަހަރުގެ ނޮވެމްބަރު މަހުގެ 26 ވަނަ ދުވަހު ދިން ޓެރަރިސްޓް ހަމަލާ އަށް ފަހު ސިއްރު ޖާސޫސީ އެޖެންޓަކާއި އޭނާގެ ލޯބިވެރިޔާ އާ ދެމެދު ހިނގާ ހާދިސާތަކެއް ދައްކުވައިދޭ ފިލްމެކެވެ.
"ދަނިޔާލް ހާން" ކުރިން ރިލީޒް ކުރާ ގޮތަށް ހަމަޖެއްސީ އަންނަ އަހަރުގެ އޮގަސްޓް މަހުގެ 15 ގަ އެވެ.
އެހެން ނަމަވެސް ފިލްމްގެ ޝޫޓިން ފެށުން ލަސްވާތީ، ފިލްމް ރިލީޒް ކުރާނެ ދުވަހެއް މިހާރު އޮތީ ނޭނގުމެއްގެ ތެރޭގަ އެވެ.