އައްޑޫ ސިޓީން އިން ރެންޑޮމް ސާމްޕަލް ނަގަން ފަށައިފިއެވެ.
އައްޑޫ އިމަޖެންސީ އޮޕަރޭޝަން ސެންޓަރުގައި ރޭ ބޭއްވި ނޫސްވެރިންގެ ބައްދަލުވުމުގައި ޑރ.އަބްދުﷲ އަދުސަރު ވިދާޅުވީ ރެންޑަމް ސާމްޕަލް ނެގުން މިއަދުން ފެށިގެން ހަފްތާގެ މުއްދަތަކަށް ކުރިއަށްދާނެ ކަމަށެވެ. އެގޮތުން ރެންޑަމް ސާމްޕަލް ނެގުމުގެ މަސައްކަތަށް އާންމުން އެއްބާރުލުން ދެއްވުމަށް އަރުސަދު ވަނީ އެދިފައެވެ.
އަދި އައްޑޫ އެއާޕޯޓުގެ ހުރިހާ މުވައްޒަފުންގެ ސާމްޕަލް މިހާރު ނަގައި ނިންމާފައިވާ ކަމަށްވެސް އަދުސަރު ވިދާޅުވިއެވެ. ނަމަވެސް އެއާޕޯޓުގެ އެއްވެސް މުވައްޒަފެއްގެ ސާމްޕަލް މިހާތަނަށް ޕޮޒިޓިވް ވެފައި ނުވާ ކަމަށްވެސް އޭނާ ވިދާޅުވިއެވެ.
އައްޑޫގައި މިވަގުތު ކޮވިޑްގެ ދެ ކްލަސްޓާއެއް އޮތްއިރު، އޭގެތެރޭގައި ހިމެނޭ އޭވިއޭޝަން ކްލަސްޓާ އިން އިތުރު ދެ މީހަކު ވަނީ ޕޮޒިޓިވް ވެފައެވެ. އެ ދެ މީހުންނާއެކު މި ކްލަސްޓަރ އިން ޕޮޒިޓިވްވީ މީހުންގެ އަދަދު މިވަނީ 30 އަށް ވުރެ މައްޗަށް އަރާފައެވެ. އެއާއެކު އައްޑޫގެ ކޮވިޑްގެ އެކްޓިވް ކޭސްގެ އަދަދު ވަނީ 60 އަށް އަރާފައެވެ.
މި ކޭސްތަކާ ގުޅިގެން އައްޑޫ މިވަގުތު މޮނީޓަރިންގެ ހާލަތަށް ގެނެސްފައިވާއިރު، ހަތް ދުވަހުގެ މުއްދަތަށް ރޭގަނޑު 8 އިން ފަތިހު 4 އަށް އައްޑޫގައި އަންނަނީ ކާފިއު ވެސް ހިންގަމުންނެވެ.