އިލެކްޝަންސް ކޮމިޝަން (އީސީ) ގެ މެންބަރު ގަލޮޅު ކަލާވެހި އޮގަރު އިބްރާހީމް ވަޙީދު، ކޮމިޝަންގެ މެންބަރުކަމުން އިސްތިޢުފާ ދެއްވައި، އެކަމުގެ ސިޓީ ރައީސުލްޖުމްހޫރިއްޔާ ޑރ. މުޙަންމަދު ވަޙީދަށް އިއްޔެ ފޮނުއްވައިފި އެވެ.
އޭނާ އީސީގެ މެމްބަރުކަމުން ވަކިވެވަޑައިގެންފައި މި ވަނީ ސެޕްޓެމްބަރު 7، 2013 ގައި ބޭއްވި ރިޔާސީ އިންތިހާބުގެ ފުރަތަމަ ބުރާ ދިމާކޮށް އުފެދުނު މައްސަލަތަކާ ގުޅިގެން، އަލުން އިންތިހާބް ބާއްވަން ސްްޕްރީމް ކޯޓުން ހުކުމް ވެސް ކޮށްފައި ވަނިކޮށެވެ.
ދިވެހި ރާއްޖޭގެ ޖުމްހޫރިއްޔާގެ ޤާނޫނުއަސާސީގެ 174 ވަނަ މާއްދާގައިވަނީ އިލެކްޝަންސް ކޮމިޝަންގެ މެންބަރަކު، މެންބަރުކަމުން އިސްތިޢުފާ ދޭން ބޭނުންވެއްޖެ ނަމަ، ސިޓީއަކުން އެކަން ބަޔާންކޮށް، ރައީސުލްޖުމްހޫރިއްޔާ އަށް ހުށަހަޅައި، އެ ސިޓީ ރައީސުލްޖުމްހޫރިއްޔާ އަށް ލިބުމުން، އެ މެންބަރަކު މެންބަރުކަމުން ވަކިވީ ކަމުގަ އެވެ.