މި މަހުގެ 19 ވަނަ ދުވަހު ބާއްވާ ރިޔާސީ އިންތިހާބުގެ ފުރަތަމަ ބުރާ ދިމާކޮށް، އައިޑީ ކާޑު ނަހަދައި ތިބި އައްޑޫ ރައްޔިތުންނަށް ކާޑު ހަދަން ހުށަހެޅުމުގެ ފުރުސަތު އައްޑޫ ސިޓީ ކައުންސިލުން ހުޅުވާލައިފި އެވެ.
ކައުންސިލްގެ މީޑިއާ އިން ރޭ އައްޑޫގެ މީޑިއާތަކަށް ފޮނުވި އެސްއެމްއެސްގައި ބުނަނީ އައިޑީ ކާޑު ހައްދަން ބޭނުންވާ ފަރާތްތަކަށް މިއަދު ހެނދުނު 10:00 އިން ފެށިގެން މެންދުރު ފަހު 3:00 އާ ހަމައަށް ކައުންސިލްގެ އައިޑީ ކާޑު ޔުނިޓް ހުޅުވިފައި ހުންނާނެ ކަމަަށެވެ.
އެހެންވެ ކާޑު އަލަށް ހަދާ ފަރާތްތަކުންނާއި އަދި ކާޑުގެ މުއްދަތު ހަމަވެގެން ނުވަތަ ގެއްލިގެން ނުވަތަ އެ ނޫން ކަމެއް ވެސް ދިމާވެގެން ކާޑު ހައްދަން ޖެހޭ ފަރާތްތަކަށް އެ ފުރުސަތު ހުޅުވާލެވިފައިވާ ކަމަށް ކައުންސިލުން ބުންޏެވެ.
މިއަދު ކާޑު ހައްދަން ހުށަހަޅާ ފަރާތްތަކަށް މި މަހުގެ 16 ވަނަ ދުވަހު ކާޑު ދޫކުރަން ފަށާނެ ކަމަށް ވެސް ކައުންސިލުން ބުންޏެވެ.