އިއްޔެ އުމުރުން 71 އަހަރު ފުރުނު ބޮލީވުޑްގެ މަޝްހޫރު އެކްޓަރު އަމީތާބް ބައްޗަން ފިލްމެއްގައި 102 އަހަރުގެ މުސްކުޅިއެއްގެ ރޯލް ކުޅޭ ގޮތަށް ހަމަޖެހިއްޖެ އެވެ.
ބުޝަން ކުމާރު ޕްރޮޑިއުސްކޮށް "އޯ މައި ގޯޑް" ގެ ޑައިރެކްޓަރު އުމޭޝް ޝުކްލާ ޑައިރެކްޓް ކުރާ "102 ނޮޓް އައުޓް" ގައި އަމީތާބް ފެނިގެން ދާނީ އުމުރުން އެންމެ ދުވަސްވީ މީހާގެ ދުނިޔޭގެ ރެކޯޑް ހާސިލް ކުރަން މަސައްކަތް ކުރާ މީހެއްގެ ގޮތުގަ އެވެ.
ބުޝަން ބުނީ އަމީތާބްގެ އުފަން ދުވަހާ ދިމާކޮށް މި އޮފާ އޭނާ އަށް ހުށަހެޅުމުން ވަރަށް ބޮޑަށް އުފާވި ކަމަށެވެ. އަދި މިއީ އަމީތާބަށް ދެވުނު އުފަން ދުވަހުގެ ހަދިޔާއެއްގެ ގޮތުގައި ބުޝަން ވަނީ ސިފަކޮށްފަ އެވެ.
ބުޝަންގެ ޓީ ސީރީޒުން ޕްރޮޑިއުސް ކުރާ މި ފިލްމުގެ މުހިއްމު ރޯލެއް ޕަރޭޝް ރާވަލް ވެސް ކުޅޭނެ އެވެ. ރިޕޯޓްތައް ބުނާ ގޮތުން ޕަރޭޝް، 63، ކުޅެނީ އަމީތާބެ ދަރިއެއްގެ ރޯލެވެ.
"102 ނޮޓް އައުޓް" ގެ ޝޫޓިން ފެށުމަށް ހަމަޖެހިފައި ވަނީ އަމީތާބް މިހާރު ކުޅެމުން އަންނަ "ބޫތުނާތު ރިޓާންސް" ގެ މަސައްކަތް ނިންމުމަށް ފަހު އެވެ.
މިއީ ޖިންނިއަކާއި ކުޑަ ފިރިހެން ކުއްޖަކާ ދެމެދު އުފެދޭ ހާއްސަ ގުޅުމެެއް ދައްކުވައި ދޭ 2008 ވަނަ އަހަރުގެ ފިލްްމް "ބޫތުނާތު" ގެ ސީކްއެލްއެކެވެ.
"ބޫތުނާތު ރިޓާންސް" ގައި ވެސް އަމީތާބް ފެނިގެން ދާނީ ޕްރިކްްއެލް އާ އެއްގޮތަށް ޖިންނިއެއްގެ ގޮތުގަ އެވެ.