ކޮވިޑް-19 އަށް ފަރުވާ ދެމުން ދަނިކޮށް މައްޝޫރު ފިލްމީ ތަރި ހަސަން އަލި މަނިކު (ކޮއްޔަ ހަސަން މަނިކު) ނިޔާވެއްޖެއެވެ.
ކޮއްޔަ ހަސަން މަނިކް ނިޔާވެފަިއވަނީ ދަރުމަވަންތަ ހޮސްޕިޓަލްގެ 11 ވަނަ ފަންގިފިލާގައި ފަރުވާ ދެމުން ދަނިކޮށްކަމަށް މައުލޫމާތުލިބެއެވެ. މިއީ ފާއިތުވި 24 ގަޑިއިރުގެ ތެރޭގައި ރާއްޖޭގައި މިބަލީގައި ބަރުވި ދެވަނަ މީހާއެވެ.
މިއާއި އެކު ކޮވިޑް-19 ގައި މަރުވި މީހުންގެ އަދަދު ވަނީ 60 އަށްއަރާފައެވެ.
ކޮވިޑް ރޯގާ ޖެހިގެން ފަރުވާ ހޯދަމުން ދިއަ އަޅުގަނޑުގެ އަޚް ކޮއްޔަ ހަސަންމަނިކު ދާދި ދެންމެއަކު ނިޔާވެއްޖެ
މަރްޙޫމްގެ ފުރާނައަށް ސުވަރުގޭގެ ދާއިމީ ނިއްމަތްﷲ މިންވަރު ކުރައްވާ ޢާއިލާއަށް ކެތްތެރިކަންދެއްވާށި. އާމީން!— Moosa Maniku (Reeko) (@ReekoMoosa) February 20, 2021
ރާއްޖޭގައި ކޮވިޑް-19 ގެ ހާލަތު އިތުރަށް ގޯސްވަމުން އަންނައިރު، އިއްޔަވެސް މި ބައްޔަށް ވަނީ 127 މީހުން ޕޮޒިޓިވް ވެފައެވެ. ކޮވިޑްގެ އެކްޓިވް ކޭސްތަކުގެ ގޮތުގައި މިހާރު އުޅެނީ 2446 ކޭސް އެވެ. މި ބަލިން 15،965 މީހުން ރަނގަޅުވެފައިވާއިރު ހޮސްޕިޓަލުގައި ފަރުވާ ދެމުންދަނީ 159 މީހަކަށެވެ.