ބޮޑު އީދަށް ގިނަ ބަޔަކު ވިޔަފާރި ކުރަން ނިކުމެ އުޅެނިކޮށް ދެ ގަޑި އިރަށް ވުރެ ގިނަ އިރު އައްޑޫގެ ގުޅިފައިވާ ރަށްތަކުން ކަރަންޓް ކެނޑުމާ ގުޅިގެން އާންމުންނަށް ވިޔަފާރި ކުރުމުގެ ފުރުސަތު ދިނުމުގެ ގޮތުން ފިހާރަތައް 12:00 ހަމައަށް ހުޅުވަން އައްޑޫ ސިޓީ ކައުންސިލުން ފުރުސަތު ދީފި އެވެ.
ކައުންސިލްގެ މީޑިއާ އިން ފޮނުވި މެސެޖެއްގައި ބުނަނީ ގިނަ ބަޔަކު ވިޔަފާރި ކުރަން ނިކުމެ އުޅެނިކޮށް ކަރަންޓް ކެނޑި ދަތިތަކާ ކުރިމަތިވުމާ ގުޅިގެން މިރޭ ފިހާރަތައް ބަންދު ކުރާނީ 12:00 ގައި ކަމަށެވެ.
އަދި އެކަން އައްޑޫގެ ސިޓީ ފުލުހުންނަށް ވެސް އަންގާފައިވާ ކަމަށް ކައުންސިލުން ބުންޏެވެ.
މިރޭ 8:30 އެހާކަށްހާ އިރު ކަރަންޓް ދިޔަ ގޮތަށް އަލުން ކަރަންޓް ލިބުނީ 10:15 އެހާކަށްހާ އިރު އެވެ.