މީގެ ކުރިން އައްޑޫން ދޫކޮށްފައިވާ ބީ ޒޯން ލައިސަންސް ފޮތް އުވާލާފައިވާ ކަމަށް އައްޑޫ ސިޓީ ކައުންސިލުން ބުނެފި އެވެ.
ކައުންސިލްގެ ޓްރާންސްޕޯޓް ޑިޕާޓްމަންޓުން ނެރެފައިވާ ބަޔާނެއްގައި ބުނެފައި ވަނީ އޮކްޓޯބަރު 4، 2012 އިން ފެށިގެން އޮކްޓޯބަރު 3، 2013 އަށް ލައިސަންސް ފޮތް، ކާޑަށް ބަދަލު ކުރަން ފުރުސަތު ހުޅުވާލުމަށް ފަހު، އޭގެ ފަހުން ފޮތް ބޭނުން ކުރުމަކީ މަނާ ކަމެއް ކަމަށެވެ.
ކައުންސިލުން ބުނީ ލައިސަންސް ފޮތް ކާޑަށް ބަދަލު ކުރަން ދިން އެއް އަހަރުގެ މުއްދަތުގެ ތެރޭގައި ގިނަ ބަޔަކު ފޮތް ކާޑަށް ބަދަލުކޮށްފައިވާ ކަމަށެވެ.
އެހެން ނަމަވެސް ބައެއް ފަރާތްތަކުން އަދިވެސް ބީ ޒޯން ލައިސަންސް ފޮތް ބޭނުން ކުރާކަން ފާހަގަ ކުރެވޭ ކަމަށް ޓްރާންޕޯޓް ޑިޕާޓްމަންޓުން ބުންޏެވެ.
ަެެއެކަމަކު މި މަހުގެ 8 އިން ފެށިގެން ލައިސަންސް ފޮތް ބޭނުން ނުކުރެވޭނެ ކަމަށާއި އެއީ މަނާ ކަމެއް ކަމަށް ކައުންސިލުން ބުންޏެވެ.
ކައުންސިލުން އަދި ބުނީ މިހާރު ކާޑުގެ ބަދަލުގައި ފޮތް ބޭނުން ކުރާ ފަރާތްތަކަށް ކާޑު ހަދައި ދޭނީ ތިއަރީ ޓެސްޓް ހެދުމަށް ފަހު އެ ޓެސްޓް ފާސްވުމުންނެވެ.