ރާއްޖެއިން ކޮވިޑު ޖެހިގެން އިތުރު މީހަކު މަރުވެއްޖެއެވެ.
މިއީ ރާއްޖެއިން މި ބަލީގައި މަރުވި 63 ވަނަ މީހާއެވެ. އަދި މިއަހަރު މި ބަލީގައި މަރުވި 15 ވަނަ މީހާއެވެ.
ހެލްތު ޕްރޮޓެކްޝަން އެޖެންސީ (އެޗްޕީއޭ) އިން ބުނީ މިއަދު 67 އަހަރުގެ ދިވެހި ފިރިހެނަކު މަރުވެފައިވާ ކަމަށެވެ. އެމީހާއަކީ ރޭ ފަތިހު 5:30 ހާއިރު ހަރަކާތް ހުއްޓިފައި ވަނިކޮށް އައިޖީއެމްއެޗު ހޮސްޕިޓަލަށް ގެންދިޔަ މީހެއް ކަމަށާއި އެމީހާ މަރުވެފައިވަނީ މިއަދު ހެނދުނު 6 ޖަހާކަށް ހާއިރު ކަމަށެވެ.
އަދި އެމީހާ ޓެސްޓު ކުރި އިރު ކޮވިޑު-19އަށް ޕޮޒިޓިވްވެފައިވާ ކަމަށް އެޗްޕީއޭއިން ބުންޏެވެ.
އިއްޔެ ހަވީރު 6 ޖެހުމާއި ހަމައަށް ރާއްޖެއިން ކޮވިޑު ޖެހުނު މީހުންގެ އަދަދު މިވަނީ 20،000 އިން މަތިވެފައެވެ.