މާލެސީޓީ މޭޔަރު ކަމަށް އެމްޑީޕީގެ ޓިކެޓުގައި ވާދަކުރައްވާ އެޕާޓިގެ ކުރީގެ ސެކްރަޓަރީ ޖެނެރަލް އަނަސް އަބްދުއްސަތާރްގެ ކެމްޕެއިނަށް ކުރީގެ ރައީސް އަދި އެމްޑީޕީގެ ރައީސް މުހައްމަދު ނަޝީދު ދޮރުން ދޮރަށް ހަރަކާތުގައި ބައިވެރިވެވަޑައިގެންފި އެވެ.
އޭޕްރިލް 10 ވަނަ ދުވަހު ބޭއްވުމަށް ހަމަޖެހިފައިވާ ލޯކަލް ކައުންސިލް އިންތިހާބަށް އެމްޑިޕީން ކެމްޕެއިން ހަރަކާތްތައް ފަށައިފާވާއިރު މާލޭ މޭޔަރު ކަމަށް ވާދަކުރައްވާ އަނަސް ގެންދަވަނީ މާލޭގައި ކެމްޕެއިން ހަރަކާތްތައް ހިނގަވަމުންނެވެ. އެގޮތުން ދޮރުން ދޮރަަށް ހަރަކާތްތައް ހިންގަވަމުން ގެންދަވައެވެ.
ހިޔާފްލެޓް ގެއްލުނު ބައެއް މީހުންގެ ގެތަކަށް ރައީސް ނަޝީދު ވަޑައިގެން ޝަކުވާތައް އެންމެ ގާތުން އަޑު އެއްސެއްވި އެމީހުންދިރިއުޅުމުގެ ހާލަތު ބެއްލެވި.#Live pic.twitter.com/Ff3CCaHmwG
— 𝐒𝐢𝐦 🇲🇻 (@Simwarr) March 6, 2021
އަނަސް އާއި އެކު މިއަދު ރައީސް ނަޝީދު ދޮރުން ދޮރަށް ހަރަކާތުގައި ބައިވެރިވެވަޑައިގެންނެވި އިރު ބައެއް ފަރާތްތަކުން އަންނަނީ އެއީ އެޗްޕިއޭގެ ގައިޑްލައިނާއި ހިލާފަށް ކުރަމުން އަންނަ ކަމެއްކަމަށް ބުނަމުންނެވެ.
މާލޭ ސިޓީގެ މޭޔަރު ކަމަށް އަނަސްގެ އިތުރުން ކުރިމަތިލައްވަނީ ޕީޕީއެމްގެ ފަރާތުން ކުރީގެ ހައުސިން މިނިސްޓަރު ޑރ. މުހައްމަދު މުއިއްޒު އާއި ކުރީގެ މަޖިލިސް މެމްބަރު އަލްހާން ފަހުމީއެވެ.