ސ. ހިތަދޫގައި ރޭ ކާރެއްގައި ރޯކޮށްލައި ބޮޑެތި ގެއްލުންތަކެއް ދީފި އެވެ.
"އައްޑޫ ލައިވް" އަށް އެނގިފައިވާ ގޮތުގައި ހިތަދޫ މޫލެކެޑެ ސަރަހައްދުގައި ރަތް ކުލައިގެ ބީއެމްޑަބްލިއު ކާރު ޕާކްކޮށްފައި އޮތްވައި ރޯކޮށްލައިފައި ވަނީ ރޭ 11:30 އެހާކަށްހާ އިރު އެވެ.
އެނގިފައިވާ ގޮތުގައި މި ކާރަކީ އައްޑު އަށް ކާރު އެތެރެ ކުރާ އަހުމަދު ސައީދުގެ ކާރެކެވެ.
ކާރުގައި ރޯކޮށްލާފައި ވަނީ ސައީދު ކާރު އެހެން ބައެއްގެ އަތަށް ދީފައި ވަނިކޮށް ކަމަށް ވެސް އެނގިފައިވެ އެވެ. އަދި ކާރުގެ މައްޗަށް ޕެޓްރޯލް އަޅައި ރޯކޮށްލީ ސައިކަލެއްގައި ދިޔަ ދެ މީހަކު ކަމަށް ވެސް އެނގިފައިވެ އެވެ.
މި މައްސަލަ ވަނީ ފުލުހުންނަށް ވެސް ރިޕޯޓްކޮށްފަ އެވެ.