ހިތަދޫގައި ފުޅާދާއިރާއެއްގައި ކައްކާ ގޭސް ޑެލިވަރީ ކުރަމުން އަންނަ އެފްއެެންޑުއެސް އިން އައްޑޫގެ ގުޅިފައިވާ ރަށްތަކަށް ގޭސް ޑެލިވަރީގެ ހިދްމަތް ފަށައިފިއެވެ.
އެފް އެންޑު އެސް އިން ބުނީ މާޗު 1 ވަނަ ދުވަހުން ފެށިގެން މަރަދޫ، މަރަދޫފޭދޫ އަދި ފޭދޫއަށް ކައްކާ ގޭސް ޑެލިވަރީގެ ހިދްމަތް ފަށާފައިވާ ކަމަށެވެ. އެގޮތުން ކޮންމެ ދުވަހަކު ހެނދުނު 8 އިން ރޭގަނޑު 9 ޖެހުމާއި ހަމައަށް އެރަށްތަކަށް ޑެލިވަރީގެ ހިދްމަތް ދިނުމަށް ވަނީ ނިންމާފައެވެ.
"އަޅުގަނޑުމެން މި ބަލަނީ މަރަދޫ، މަރަދޫފޭދޫ އަދި ފޭދޫން ގޭސްފުޅިއަށް ގުޅާލުމުން ލަސްވެގެން 20 މިނިޓު ތެރޭ ޑެލިވަރީ ކުރެވޭތޯ، އެކަމަށް ތައްޔާރުވެ ހިދްމަތް ފެށީ. 10 ކިލޯގެ ގޭސް ފުޅިއެއް ހިތަދޫ އާއި އެއް އަގެއްގައި 285 ރުފިޔާއަށް ލިބޭނެ"
ކައްކާ ގޭހުގެ އިތުރުން އިންޑަސްޓްރިއަލް ގޭސް، ހީލިއަމް، ރެފްރިޖަރެންޓު ގޭސް ވެސް ގުޅިފައިވާ ރަށްތަކަށް ޑެލިވަރީ ކުރާނެކަމަށް އެކުންފުނިން ބުންޏެވެ.
ފާއިތުވި 11 އަހަރު ހިތަދޫގައި އިތުބާރު ކަމާއި އެކު ގޭސް ޑެލިވަރީ ކުރަމުން އައި އެފް އެންޑު އެސް އިން މިއަހަރު ރަމަޟާން މަާއި ދިމާކޮށް ލުއި ގޭސް ޕްރޮމޯޝަނެއް ފެށުމަށްވެސް އަންނަނީ ތައްޔާރުވަމުންނެވެ. މި ހުރިހާ މައުލޫމާތެއްވެސް އެކުންފުނީގެ ފޭސްބުކް ޕޭޖުން ދުވަހުން ދުވަހަށް އަޕްޑޭޓު ކުރަމުންދާނެކަމަށް ކުންފުނިން ބުނެއެވެ.
އެފްއެންޑުއެސްއިން ބުނީ އެކްސްޕްރެސް ގޭސް ޑެލިވަރީ ހިދްމަތް ހޯދުމަށް ގުޅިފައިވާ ރަށްތަކުން 7610011 ގުޅުމުން ގޭސް ޑެލިވަރީކޮށްދޭނެ ކަމަށެވެ.