ފުވައްމުލަކު ސިޓީގައި ކޮވިޑު ކޮންޓްރޯލް ވުމާއި ގުޅިގެން އެރަށް މޮނިޓަރިންގެ ހާލަތުން ނަގައިފިއެވެ.
ފުވައްމުލައް މޮނިޓަރިންއިން ނަގައި އާއްމު ހާލަތަށް ގެނެސްފައި މިވަނީ މަސް ދުވަސް ވަންދެން އެރަށުގައި ކާފިއު ހިންގުމަށްފަހުއެވެ.
ފުވައްމުލަކު ސިޓީ ކައުންސިލްގެ ޑެޕިއުޓީ މޭޔަރ މުހައްމަދު ޟިރާރު ވިދާޅުވީ އެރަށުގެ މޮނިޓަރިންގެ ހާލަތު އުވާލާފައިވަނީ އިއްޔެ އެރަށުން ނެގި ރެންޑަމް ސާމްޕަލް ނެގެޓިވްވުމާއި ގުޅިގެންނެވެ.
ފުވައްމުލަކުގައި ކޮވިޑު ފެތުރިފައިވަނީ ދުބާއީއިން އައި މީހަކު ހޯމް ކަރަންޓީނުގައި ހުއްޓާ ކޮވިޑަށް ޕޮޒިޓިވްވެ އެމީހާގެ ފަރާތުންނެވެ. އެރަށުން ޖުމްލަ 54 މީހަކު ކޮވިޑަށް ޕޮޒިޓިވްވި އިރު އޭގެ ތެރެއިން 44 މީހަކު ވަނީ މިހާތަނަށް ބަލިން ރަނގަޅުވެފައެވެ.