މާލޭގެ ރައްޔިތުންނަށް ބިން ދިނުމަށް އިތުރު ބިމެއް ހިއްކުމަށް ސަރުކާރުން މަސައްކަތް ކުރައްވާ ކަމަށް ރައްޔިތުންގެ މަޖިލީހުގެ ރައީސް މުހައްމަދު ނަޝީދު ވިދާޅުވެއްޖެއެވެ.
ރައްޔިތުންގެ މަޖިލީހުގެ މިއަދުގެ ޖަލްސާގައި ހައުސިން މިނިސްޓަރ މުހައްމަދު އަސްލަމް އާއި ގަލޮޅު ދެކުނު ދާއިރާގެ މެމްބަރު އީވާ އަބްދުﷲ ކުރެއްވި ސުވާލަކާއި ގުޅިގެން އަސްލަމް ވިދާޅުވީ ސަރުކާރުގެ ވިސްނުމުގައި މާލެ ރައްޔިތުންނަށް ބޯހިޔާވަހިކަން ދިނުމަށް ބިން ދޫކުރުމުގެ ވިސްނުން ހުރި ކަމަށެވެ. އަދި އެކަން ކޮންމެވެސް ވަރަކަށް ރައީސް އިބްރާހިމް މުހައްމަދު ސޯލިހު ހާމަ ކުރައްވާފައިވާ އިރު އެކަމުގެ ތަފްސީލު އެމަނިކުފާނަށް އަދި ދެވެން ނެތްކަމަށެވެ. އަދި އެކަން ހާމަ ކުރައްވާނީ ރައީސް ސޯލިހު ކަމަށް އަސްލަމް ވިދާޅުވިއެވެ.
އަސްލަމް އެގޮތަށް ވިދާޅުވުމުން މަޖްލިސްގެ ރައީސް މުހައްމަދު ނަޝީދު ވިދާޅުވީ އެމީހަކަށް އެނގިހުރި އެއްޗެއް މިތަނުގައި (މަޖްލިސްގައި) ސާފުކޮށްދޭނެ ޖެހޭކަމަށެވެ.
"ހިއްކުމަށްޓަކައި ބޭނުންވާ ލޯން، އަޅުގަނޑަށް މައުލޫމާތުލިބިފައި އޮތީ، އެލޯން އައިއެންޓީ ބޭންކުން ނެގުމަށް ސަރުކާރުން މަސައްކަތް ކުރަމުން ދަނީ، އެލޯން ލިބުނުހާ އަވަހަކަށް އެތަން ހިއްކޭނެކަމަށް ވަނީ، ހިއްކުނީމާ ބިންކަނޑާފާ އިރާދަ ކުރެއްވިއްޔާ ދެވޭނެ ކަމަށް ވަނީ" ނަޝީދު ވިދާޅުވިއެވެ.
ނަޝީދު މިފަދައިން ވިދާޅުވި އިރު ގުޅީ ފަޅު ހިއްކުމަށްފަހު އެތަނުން މާލޭގެ ރައްޔިތުންނަށް 1،200 ބިން ނުވަތަ ގޯތި ދޫކުރަން ސަރުކާރުން ނިންމާފައިވާ ކަމަށް ޕްލޭނިން އެންޑް ހައުސިން މިނިސްޓަރު މުހައްމަދު އަސްލަމް ވަނީ ރައްޔިތުންގެ މަޖިލީހުގައި 2020 ވަނަ އަހަރު ޖުލައި މަހު ހާމަ ކުރައްްވާފައެވެ.