އައްޑޫސިޓީގައި ގާއިމު ކުރާ ޕޮލިސް އެކެޑެމީ މިހިނގާ މާޗް 29 ވަނަ ދުވަހު ހުޅުވުމާއި ގުޅޭގޮތުން މަޝްވަރާ ކޮށްފިއެވެ.
މި މަޝްވަރާކުރިއަށް ގެންގޮސްފައިވަނީ އިންޑިއާއިން ރާއްޖެއަށް ކަނޑައަޅުއްވާފައި ހުންނަވާ ޑެޕިއުޓީ ހައިކޮމިޝަނަރު ރޯހިތް ރާތިޝް އައްޑޫސިޓީއަށް މިހާރު ކުރައްވަމުން ގެންދަވާ ދަތުރުފުޅުގެ ތެރެއިންނެވެ.
އައްޑޫސިޓީ ކައުންސިލުން ބުނެފައިވަނީ މިއަދު މޭޔަރު އަބްދުﷲ ސާދިޤާއި އެކު ޑެޕިއުޓީ ހައިކޮމިޝަނަރު ކުރިއަށް ގެންދިޔަ ބައްދަލުވުމުގައި ޕޮލިސް އެކެޑެމީގެ ނުނިމިހުރި މަސައްކަތްތައް ވީއެންމެ އަވަހަކަށް ނިންމުމާއި ގުޅޭގޮތުން މަޝްވަރާކޮށްފައިވާކަމަށެވެ.
އަދި މިމަސައްކަތުގެ 89 އިންސައްތަ މަސައްކަތް މިހާރު ނިމިފައިވާކަމަށް ޑެޕިއުޓީ ހައިކޮމިޝަނަރު ވިދާޅުވިކަމަށާއި، އަދި ޕޮލިސް އެކެޑެމީ ހުޅުވުމުގެ ރަސްމިއްޔާތު މިމަހު 29 ގައި ބޭއްވޭނެކަމަށް އުންމީދު ކުރާ ކަމަށް ވިދާޅުވިކަމަށެވެ.
Discussions were also held about the #Addu Police Training Academy and on completing the unfinished work of the project at the earliest possible time.
Speaking at the meeting, Deputy High Commissioner said that about 89% of the project has been completed and they hope to (2/4) pic.twitter.com/WB0cf93MCI
— Addu City Council (@AdduCityCouncil) March 10, 2021
މީގެ އިތުރުންވެސް މި ބައްދަލުކުރެއްވުމުގައި އިންޑިއާގެ އެހީގައި އައްޑޫގައި ކުރިއަށްގެންދާ އިތުރު މަޝްރޫއުތަކާއި ގުޅޭގޮތުންވެސް މަޝްވަރާކޮށްފައިވާ ކަމަށް އައްޑޫސިޓީ ކައުސިލުން މައުލޫމާތުދެއެވެ.