ކޮވީޑް-19 އިން ރައްކާތެރިވުމަށް ޖަހާ ވެކްސިން ޖެހުން ލަސްކުރެވުނީތީ އެކަމުގެ ހިތާމަ ތަހައްމަލު ކުރަމުން އަންނަކަމަށް މަޖިލީހުގެ މެޖޯރިޓީ ލީޑަރު އަލީ އާޒިމް ވިދާޅުވެއްޖެއެވެ.
ކޮވިޑް-19 އަށް ޕޮޒިޓިވްވެ އައިސޮލޭޝަންގައި ހުންނަވާ ހިއްސާ ކުރެއްވި ވީޑީއޯ މެސެޖެއްގައި އަލީ އާޒިމް ވިދާޅުވީ ކޮވިޑް ޖެހުނުތީ ފަސް ދުވަސް ވެފައިވާއިރު ފާއިތުވި ދުވަސްތައް ދިޔައީ ގަދަހުމާއި، ކޮވިޑްގެ ބިރުވެރި އާލާތްތަކުގައި ކަމަށް އަލީ އާޒިމް ވިދާޅުވިއެވެ. އެހެންމަވެސް މިހާރު ހާލު ތަންކޮޅެއް ރަނގަޅުކަމަށްވެސް ވިދާޅުވިއެވެ.
އަދި ވީޑިއޯގައި އަލީ އާޒިމް ވަނީ ވެކްސިން ޖެހުން ލަސްކުރެވުނީތީ އެކަމާ ހިތާމަކުރާކަން ހާމަކޮށްފައެވެ.
"ކޮވިޑް ރޯގާގެ ވެކްސިން ނުޖެހުމުގެ ދެރައާ ހިތާމައާ އުނދަގޫ އަޅުގަނޑު މިދަނީ ތަޖުރިބާ ކުރަމުން." އަލީ އާޒިމް ވިދާޅުވިއެވެ.
You constant prayers and well wishes strengthens my resolve to fight COVID illness. Thank you all 🙏
It’s your shot. Get vaccinated#covid19 #GetVaccinated pic.twitter.com/3lZsr5a37H
— 𝐀𝐥𝐢 𝐀𝐳𝐢𝐦 (@aliaazim) March 13, 2021
އަލީ އާޒިމް ވަނީ ވެކްސިން ޖެހުން އަވަސް ކުރުމަށް ހުރިހާ ފަރާތްތަކަށް ގޮވާލާފައެވެ. އަދި އިހަށް ނުވި ރައްކެލެއް ފަހުން ނުވެވޭނެކަމަށް ވިދާޅުވިއެވެ. އަދި އަލީ އާޒިމް ވަނީ ޑޮކްޓަރުންނާއި ނަރުހުން ކުރައްވަމުން ގެންދަވާ މަސައްކަތަށް ޝުކުރު އަދާކުރައްވާފައެވެ.