ކޮވިޑް-19 އަށް ރާއްޖެއިން މިއަދު ޕޮޒިޓިވްވި މީހުންގެ އަދަދު 100 އިން ދަށްވެއްޖެއެވެ.
މިރޭ އެޗްޕީއޭއިން ހާމަ ކުރި މައުލޫމާތުން ދައްކާ ގޮތުގައި ފާއިތުވި 24 ގަޑިއިރު ތެރޭ ރާއްޖެއިން ކޮވިޑު-19 އަށް ޕޮޒިޓިވްވެފައިވަނީ 94 މީހެކެވެ.
ޕޮޒިޓިވްވީ މީހުންގެ ތެރެއިން 65 މީހުން ޕޮޒިޓިވްވެފައިވަނީ މާލެ ސަރަހައްދުންނެވެ.
މިއަދުގެ އަދަދު ތަކާއި އެކު ރާއްޖެއިން ޕޮޒިޓިވްވީ ޖުމްލަ މީހުންގެ އަދަދު މިވަނީ 21476 އަށް އަރާފައެވެ. 18967 މީހުން ބަލިން ރަނގަޅުވެފައިވާ އިރު 136 މީހަކަށް ހޮސްޕިޓަލުގައި ދަނީ ފަރުވާ ދެމުންނެވެ. ރާއްޖެއިން މިހާތަަނަށް މިބަލީގައި 64 މީހަކު ވަނީ މަރުވެފައެވެ.