އައްޑޫ ސިޓީގެ މޮނިޓަރިންހެ ހާލަތު ރޭ އުވާލުމާއި ގުޅިގެން ސަދަން ޓަރާންސްޕޯޓު ލިންކު (އެސްޓީއެލް)އިން އައްޑޫގައި ދެމުންދާ ދަތުރުފަތުރުގެ ޚިދްމަތް މިއަދު ފަށައިފިއެވެ.
އެސްޓީއެލްއިން ދަތުރުފަށާފައި މިވަނީ 6 ފެބްރުވަރީއިން ފެށިގެން އައްޑޫ މޮނިޓަރިންއަށް ލުމާއި ގުޅިގެން ދަތުރުފަތުރު ހުއްޓާލާފައި އޮތުމަށްފަހު ރޭ މޮނިޓަރިން ހާލަތު އުވާލުމާއި ގުޅިގެންނެވެ.
އެސްޓީއެލްއިން ވަނީ ދަތުރު ހުއްޓާލި އިރު ދަތުރު ކުރެއްވުމަށް ޓިކެޓު ނަންގަވާފައިވާ ފަރާތްތަކަށް އަލުން ދަތުރު ފެށުމުން ދަތުރު ކުރެވޭނެ އިންތިޒާމް ހަމަޖެހިގެންދާނެ ކަމަށް ބުނެފައެވެ.
އައްޑޫގެ އެއްގަމާއި ކަނޑުގެ ދަތުރުތައް މިއަދު ފެށި އިރު އެސްޓީއެލްއިން ވަނީ ދަތުރު ކުރައްވާ ފަރާތްތަކުން އެޗްޕީއޭގެ ގައިޑުލައިންނާއި އެއްގޮތަށް އަމަލު ކުރުމަށް އިލްތިމާސްކޮށްފައެވެ.