ސ. ގަމުގައި އޮތް އެމްއެންޑީއެފް "ކުރަނގި" ހެލިކޮޕްޓަރު ސާވިސް ކުރަން އިންޑިއާ އަށް ގެންދިއުމަށްޓަކައި އިންޑިޔާގެ މަނަވަރެއް އިއްޔެ އައްޑު އަށް އަތުވެއްޖެއެވެ.
ހިތަދޫ ސަރަހައްދީ ބަނދަރުގައި މި ވަގުތު އޮތް އިންޑިއާގެ މަނަވަރު "އައިސީޑީއެސް ސަންގްރަމް" އަށް، ހެލިކޮޕްޓަރު އިންޑިޔާ އަށް ގެންދަން މިއަދު މަނަވަރަށް ގެންދާ ގޮތަށް ވަނީ ހަމަޖެހިފަ އެވެ.
އެ ހެލިކޮޕްޓަރު މަރާމާތަށް އިންޑިއާ އަށް ގެންދާތީ، ބަދަލުގައި ބޭނުން ކުރަން އިތުރު ހެލިކޮޕްޓަރެެއް ވެސް އައްޑު އަށް ގެނެސްފައިވެ އެވެ.
އެމްއެންޑީއެފުން ބުނި ގޮތުގައި ހެލިކޮޕްޓަރު މަރާމާތު ކުރަން މަހެއްހާ ދުވަސް ނަގާނެ އެވެ.
އިންޑިއާގެ މަނަވަރު އައްޑު އަށް ކުރާ ދަތުރުގައި އިއްޔެ ފޭދޫގައި ވަނީ އެމްއެންޑީއެފް ސަދަން އޭރިއާގައި ދިވެހި ސިފައިންނާއި މަނަވަރުގެ އޮފިސަރުން އެކުވެރިކަމުގެ ކްރިކެޓް މެޗެއް ވެސް ކުޅެފަ އެވެ.