އެންމެ މީހެއް ފިޔަވައި އައްޑޫން ކޮވިޑަށް ޕޮޒިޓިވްވި އެންމެން ބަލިން ރަނގަޅުވެއްޖެއެވެ.
އައްޑޫން މިހާތަނަށް 92 މީހަކު ވަނީ ކޮވިޑަށް ޕޮޒިޓިވްވެފައެވެ.
އައްޑޫ އިކުއިޓޯރިއަލް ހޮސްޕިޓަލުން ބުނީ އައްޑޫން ކޮވިޑު ޖެހުނު މީހުންގެ ތެރެއިން މިވަގުތު ބަލި ފަސޭހަ ނުވެ ހުރީ އެންމެ މީހެއް ކަމަށެވެ. އެއީ އެންމެ ފަހުން ކޮވިޑުގެ ކޭސްތަކެއް ފެނުނު މީދޫން ޕޮޒިޓިވްވި މީހެކެވެ. އެމީހާ ފިޔަވައި އެންމެން ވަނީ ބަލިން ފަސޭހަ ވެފައެވެ.
ކޮވިޑު-19 އާއި ގުޅިގެން ފެބްރުއަރީ 6 ވަނަ ދުވަހު އައްޑޫ މޮނިޓަރިންނަށް ލުމަށް ފަހު އައްޑޫގެ މޮނިޓަރިންގެ ހާލަތު އުވާލާފައިވަނީ މި މަހުގެ 13 ވަނަ ދުވަހުއެވެ.
އައްޑޫއިން ކޮވިޑަށް ޕޮޒިޓިވްވީ މީހުންގެ ތެރެއިން ހޮސްޕިޓަލުގައި އެޑްމިޓުކޮށްގެން ފަރުވާ ދީފައިވަނީ ޖުމްލަ 6 މީހަކަށެވެ. ނަމަވެސް އެއްވެސް މީހަކު ސީރިއަސް ވެފައި ނުވެއެވެ.