ދ. ކުޑަހުވަދޫ މޮނިޓަރިންގެ ހާލަތަށް ލާފައިވާކަމަށް ހެލްތް އިމަޖެންސީ އޮޕަރޭޝަން ސެންޓަރު (އެޗްއީއޯސީ)އިން ހާމަކޮށްފިއެވެ.
އެޗްއީއޯސީން ބުނެފައިވަނީ ކުޑަހުވަދޫ މޮނިޓަރިންގެ ހާލަތަށް ލާފައިވަނީ އެ ރަށު އެއާޕޯޓްގައި މަސައްކަތްކުރާ ހަ މީހަކު ކޮވީޑް-19 އަށް ޕޮޒިޓިވް ވުމުން ކަމަށެވެ. އެމީހުން ބައްޔަށް ޓެސްޓް ކޮށްފައިވަނީ ބަލީގެ އަލާމާތްތައް ފެނުމުންކަމަށް މައުލޫމާތު ދީފައިވެއެވެ.
އެޗްއީއޯސީން ބުނެފައިވަނީ ކުޑަހުވަދޫ މޮނިޓަރިންގެ ހާލަތަށް ލާފައިވަނީ ކޮންޓެކްޓް ޓްރޭސިން ހަދާ ކޭސް އިންވެސްޓިގޭޓް ކުރުމަށްކަމަށެވެ.
ރާއްޖެއިން މިހާތަނަށް ކޮވިޑް-19 އަށް ޕޮޒިޓިވްވީ މީހުންގެ ޖުމުލަ އަަދަދު ވަނީ 21،819 އަށް އަރާފައެވެ. 19،342 މީހުން ބަލިން ރަނގަޅުވެފައިވާ އިރު 126 މީހަކަށް ހޮސްޕިޓަލުގައި ދަނީ ފަރުވާ ދެމުންނެވެ. ރާއްޖެއިން މިހާތަަނަށް މިބަލީގައި 64 މީހަކު ވަނީ މަރުވެފައެވެ.