އައްޑޫ ލިންކު ރޯޑުގެ ހަންކެޑެ ހިސާބުގައި ނުރައްކާތެރި އެކްސިޑެންޓެއް ހިނގައި އަންހެނަކަށް ސީރިއަސް އަނިޔާތަކެއް ލިބިއްޖެއެވެ.
"އައްޑޫލައިވް" އަށް މައުލޫމާތު ލިބިފައިވާ ގޮތުގައި އެކްސިޑެންޓުވެ އަނިޔާވި އަންހެން މީހާއަކީ ސ. ހިތަދޫއަށް ނިސްބަތްވާ މީހެކެވެ. އެކަމަކު އެމީހާ ދިރިއުޅެމުން ދަނީ މަރަދޫފޭދޫގައެވެ. އެކްސިޑެންޓުވެފައިވަނީ މިއަދު ހެނދުނު އޭނާގެ ދަރިފުޅު އައްޑޫ ހައި ސްކޫލަށް ގެންދިއުމަށް ފަހު އެނބުރި ރަށައް ދިޔަ މަގުމަތީގައެވެ.
އައްޑޫލައިވްއަށް މައުލޫމާތު ދިން މީހާ ބުނީ އެމީހާ ފެނުނީ ލިންކު ރޯޑުގެ އަރިމަތީގައި ވެއްޓި ވަރަށް ބޮޑަށް ޒަހަމްވެފައިވަނިކޮށެވެ.
"އެއްޗެއްގައި ޖެހި އެކްސިޑެންޓުވެފައިވާ ކަމަށް ބެލެވެނީ، އެކަމަކު އެ ސަރަހައްދުގައި އިތުރު އެއްޗެއް ފެންނާކަށް ނެތް، ހީ ނުވޭ ކަހާލައިގެން ވެއްޓިހެން އަނިޔާވެފައިވަނީ" އައްޑޫލައިވްއަށް މައުލޫމާތު ދިން މީހާ ބުންޏެވެ.
އެމީހާއަށް ފަރުވާ ދިނުމަށް އައްޑޫ އިކުއިޓޯރިއަލް ހޮސްޕިޓަލަށް ގެނެސްފައިވާ އިރު ލިބިފައިވާ ގެއްލުމުގެ ތަފްސީލެއް އަދި ސާފެއް ނުވެއެވެ.
ތަފްސީލް އަންނަނީ…