ރާއްޖެއިން ކޮވިޑް-19 ޖެހިގެން އިތުރު މީހަކު މަރުވެއްޖެއެވެ.
ހެލްތް ޕްރޮޓެކްޝަން އެޖެންސީ (އެޗްޕީއޭ)އިން ބުނެފައިވަނީ ރޭ 08:25 ހާއިރު ހާލު ދެރަވެފައި އޮތް 66 އަހަރުގެ ފިރިހެނަކު އައިޖިއެމްއެޗްގެ އީއާރް އަށް ގެނެސްފައިވާކަމަށެވެ.
އަދި 08:45 ހާއިރު އެމީހާ މަރުވެފައިވާކަމަށް ޑޮކްޓަރުން ބުނި ކަމަށް އެޗްޕީއޭއިން ބުނެފައިވެއެވެ. އަދި އެމީހާ ކޮވިޑް-19 އަށް ޕޮޒިޓިވް ކަމަށްވެސް ބުނެފައިވެއެވެ.
މިއާއި އެކު ރާއްޖެއިން ކޮވިޑް-19 ގައި މަރުވި މީހުންގެ އަދަަދު ވަނީ 66 ކަށް އަރާފައެވެ.
ރާއްޖެއިން އިއްޔެ ކޮވިޑް-19 އަށް ޕޮޒިޓިވް ވެފައިވަނީ ޖުމުލަ 81 މީހެކެވެ. މިއާއި އެކު ރާއްޖެއިން ކޮވިޑް-19 އަށް ޕޮޒިޓިވްވީ މީހުންގެ އަދަދު ވަނީ 22،373 ކަށް އަރާފައެވެ. އަދި ބަލިން ރަނގަޅުވި މީހުންގެ ޖުމުލަ އަދަދަކީ 19،897 ކެވެ.