ސ. މީދޫ ޝަމްސުއްދީން ފޯ އިސްލާމިކް ސްޓަޑީޒް އާއި ގުރުއާނާ ބެހޭ މަރުކަޒު ގުޅިގެން ހިންގި ލެވެލް 1 ގެ ގާރީ ކޯހުން އެއް ވަނަ އަށް މީދޫ ތަރި ފާތުމަތު ޝަފުގާ ހޮވިއްޖެ އެވެ.
ޝަފުގާ ކޯހުން އެއްވަނަ އަށް ހޮވިފައިވާކަން އިއުލާންކޮށްފައި ވަނީ ޝަމްސުއްދީން ފޯ އިސްލާމިކް ސްޓަޑީޒްއިން ހިންގި ގާރީ ކޯހުގެ ލެވެލް 1 އަދި 2 ގެ ނަތިޖާ ފާޅުކޮށް މި ދެ ކޯހުން ފާސްވި ފަރާތްތަކަށް ހަނދާނީ ލިއުން ދިނުމަށް މިދިޔަ ބުރާސްފަތި ދުވަހުގެ ރޭ ބޭއްވި ޚާއްސަ ޖަލްސާއެއްގަ އެވެ.
ގާރީ ކޯހުގެ ލެވެލް 1 އިން 1 ވަނަ ޝަފްގާ ހޯދާފައިވާ އިރު ކޯހުން ދެވަނަ ހޯދާފައި ވަނީ މީދޫ އަބްލަޣީވާދީ ސަފިއްޔާ އަލީ އެވެ. ތިން ވަނަ ހޯދާފައި ވަނީ ތްރީފްލާވާ ނިޒާމާ އާއި މީދޫ މިނާ ޝައުސަން އެވެ.
ގާރީ ލެވެލް 2 ގެ ކޯހުގައި ބައިވެރިވިފަރާތްތަކުގެ ތެރެއިން 1، 2 ، 3 ހޮވާފައި ނުވި ނަމަވެސް މި ކޯހުން 100 ޕަސެޓް މާކްސް ހޯދައިގެން ފާސްވެފައިވާ ފަރާތްތައް ފާހަގަކޮށް އެ ފަރާތްތަކުގެ ނަން އިއުލާންކޮށްފައިވެ އެވެ.
އެގޮތުން ކޯހުން 100 ޕަސެންޓް މާކްސް ހޯދައިގެން ފާސްވެފައި ވަނީ މީދޫ ރޯޝަނީގޭ ފާތުމަތު ނަދާ، މީދޫ ރޯޔަލް ފާތުމަތު ސަހުވާ، މީދޫ ނޫރާނީވާދީ ޝަޒީނާ އަހުމަދުދީދީ، ހުޅުދޫ މަލާޒް މަރިޔަމް ޒާހިރާ، މީދޫ ޖީޒަން އަހުމަދު ރަޝީދު، މީދޫ ފަރުދާގޭ އައިޝަތުދީދީ އަދި މީދޫ ހެޕީސަން އާއިޝަތު ޝަޒާ މުހައްމަދު ސައީދެވެ.
މީދޫ ޝަމްސުއްދީން ފޯ އިސްލާމިކް ސްޓަޑީޒްގައި ހިންގުނު މި ދެކޯ ހުގައި ބައިވެރިވި ހުރިހާ ފަރާތްތައް ވެސް ފާސްވެ ސެޓްފިކެޓް ހާސިލްކޮށްފައިވެ އެވެ.
އިނާމް ދިނުމުގެ ޖަލްސާގައި ވާހަކަ ދައްކަވަމުން ޝަމްސުއްދީން ފޯ އިސްލާމިކް ސްޓަޑީޒް އެއް މަސްއޫލް މެމްބަރު އަހުމަދު މައުސޫމް ވިދާޅުވީ އަންނަ އަހަރު އެ ކްލާހުގައި ލެވެލް 3 ގެ ގާރީ ކޯހަކާއި ލެވެލް 1 ގެ ކޯހަކާއި ކަޝްކަމާކެމީގެ ކޯހެއް ހިންގުމަށް ހަމަޖެހިފައިވާ ކަމަށެވެ.
ޑރ. އަބްދުﷲ އަފީފު ޝަރަފްވެރިކޮށް ދެއްވި މި ޖަލްސާގައި ގާރީ ކޯސްތަކުން ވަނަތައް ހާސިލްކުރި ފަރާތްތަކަށް ހަނދާނީ ލިއުން ހަވާލްކޮށްދެއްވާފައި ވަނީ ޑރ. އަފީފޫގެ އިތުރަށް ސ. އަތޮޅު މަދަރުސާގެ ޕްރިންސިޕަލް ޒީނިއާ ޖަމާލެވެ.