ރިޔާސީ އިންތިހާބް ފަސްވެފައިވާތީ އައްޑޫގެ ހުރިހާ އޮފީސްތަކަކުން ދެމުން އަންނަ ހިދުމަތްތައް ހުއްޓާލަން ހުޅުމީދޫ އަވަށު ބޯޑްގެ ރައީސް އިބްރާހީމްދީދީ ގޮވާލައިފި އެވެ.
އޭނާގެ އެފްބީ ސްޓޭޓަސްގައި މީގެ ކުޑަ އިރުކޮޅެއް ކުރިން ބުނެފައި ވަނީ "ބާޢީ ސަރުކާރުން ރިޔާސީ އންތިހާބް ހިސޯރުކޮށްފައިވާތީ އައްޑޫ ސިޓީގެ ހުރިހާ އޮފީސްތަކުން ދެމުން ގެންދާ ހުރިހާ ހިދުމަތްތަކެއް ވަގުތުން ހުއްޓާލުމަށް ގޮވާލާ" ކަމަށެވެ.
އެމްޑީޕީ އަށް ނިސްބަތްވާ ދީދީ މިފަދަ ގޮތަކަށް ގޮވާލި އިރު، ރިޔާސީ އިންތިހާބް ވީހާ ވެސް އަވަހަކަށް ބޭއްވުމަށް ގޮވާލައި، އިއްޔެ އިން ފެށިގެން އައްޑޫގެ ރަށްރަށުގައި ދަނީ އިހުތިޖާޖު ވެސް ކުރަމުންނެވެ.