ސ. މަރަދޫފޭދޫ، ފޭދޫ އަދި މަރަދޫ މެޖިސްޓްރޭޓް ކޯޓް ހިންގާ އިމާރާތުގެ ކުޑަދޮރުތަކެއްގެ ބިއްލޫރިތައް ރޭ ބަޔަކު ތަޅާލައިފި އެވެ.
ކޯޓްގެ އޮފިޝަލަކު ވިދާޅުވީ ގާ އުކައިން ކޯޓްގެ ތިން ކުޑަދޮރެއްގެ ބިއްލޫރި ތަޅާލާފައިވާ ކަމަށެވެ. މި މައްސަލަ މިހާރު ވަނީ ފުލުހުންނަށް ވެސް ރިޕޯޓްކޮށްފަ އެވެ.
އޮފިޝަލް ވިދާޅުވީ ބިއްލޫރިތައް ރޭ ތަޅާލި ނަމަވެސް، އެކަން ކުރީ ކޮން ބަޔަކުކަން ނޭނގޭ ކަމަށެވެ.
ފެބްރުއަރީ 8، 2012 ގައި އައްޑޫގައި ހިންގި ހަމަނުޖެހުންތަކުގައި ފޭދޫ، މަރަދޫ އަދި ހިތަދޫ މެޖިސްޓްރޭޓް ކޯޓް ވަނީ ބޭނުން ނުކުރެވޭ ވަރަށް އަންދާލާފަ އެވެ.
އޭގެ ފަހުން ފޭދު އާއި މަރަދޫ މެޖިސްޓްރޭޓް ކޯޓް ހިންގަނީ މަރަދޫފޭދޫ މެޖިސްޓްރޭޓް ކޯޓް ހިންގާ އިމާރާތުގަ އެވެ.