ސ. ހުޅުދޫ ގެއަކުން ވައްކަން ކުރިކަމުގެ ތުހުމަތުގައި މީހަކު ހައްޔަރު ކޮށްފި އެވެ.
މި މައްސަލަ އާ ގުޅިގެން ހައްޔަރުކޮށްފައި ވަނީ 32 އަހަރުގެ ފިރިހެނެކެވެ. އޭނާއަކީ ވައްކަމާއި މަސްތުވާތަކެތީގެ މައްސަލަތަކުގެ ރެކޯޑް އޮންނަ މީހެކެވެ.
މިމަހުގެ 17 ވަނަ ދުވަހު ހުޅުދޫ ގެއަކުން ވޮލެޓެއް ވަގަށް ނަގާފައިވާ ކަމަށް ފުލުހުންނަށް ހުށަހެޅުނު މި މައްސަލަ އާ ގުޅިގެން އޭނާ ފުލުހުންގެ ބެލުމުގެ ދަށަށް ގެންގޮސްފައި ވަނީ މި އިއްޔެ ރޭ 19:23 އެހާކަށްހާ އިރު ހުޅުދޫން ކަމަށް ފުލުހުން ބުންޏެވެ.
ވަގަށް ނެގި މި ވޮލެޓްގައި 3،200ރ. އާއި ވިސާ ކާޑެއް އޮތް އިރު މި ތަކެތީގެ ތެރެއިން ވިސާ ކާޑު ހޯދައި މިހާރު ވަނީ އޭގެ ވެރި ފަރާތާ ހަވާލުކޮށްފަ އެވެ.
މި މައްސަލައިގައި ހައްޔަރު ކުރި މީހާގެ ބަންދާ މެދު ގޮތެއް ނިންމުމަށްޓަކައި ހުޅުދޫ މެޖިސްޓްރޭޓް ކޯޓަށް ހާޒިރު ކުރުމުން ވަނީ 15 ދުވަހުގެ ބަންދުގެ މުއްދަތެއް ވެސް ދީފަ އެވެ.
މި މައްސަލަ ހުޅުދޫ ޕޮލިސް ސްޓޭޝަނުން އަންނަނީ ތަހުޤީޤު ކުރަމުންނެވެ.