މާލެ ފިޔަވަޔާ އެހެން ސަރަހައްދުތަކުގައި ކޮވިޑް-29 އަށް ޕޮޒިޓިވް 400 އަށްވުރެއް ގިނަ ފަރާތް ތިބި ކަމަށް ހެލްތް ޕްރޮޓެކްޝަން އެޖެންސީގެ ތަފާސްހިސާބުން ދައްކައިފިއެވެ.
އެޗްޕީއޭގެ ތަފާސްހިސާބުން ދައްކާގޮތުގައި 54 ރަށެއްގައި ކޮވިޑްގެ އެކްޓިވް ކޭސްތަކުގެ ގޮތުގައި ތިބީ 471 މީހެކެވެ. އޭގެތެރޭގައި ހިމެނެނީ 134 ބިދޭސީންނާއި 337 ދިވެހިންނެވެ.
މީގެ ތެރެއިން ގިނައީ ފުރަބަންދު ކަރަންޓީނުން ރިލީޒް ސާމްޕަލް ނެގުމުން ޕޮޒިޓިވް ވެފައިވާ ފަރާތްތަކެވެ.
މީގެ އިތުރުން މިވަގުތު ރާއްޖޭގައި މޮނިޓަރިންގެ ހާލަތުގައި 13 ރަށެއް އެބައޮތެވެ. އެއީ ދ. ކުޑަހުވަދޫ، ރ. އުގޫފާރު، ދ. މީދޫ، ކ. ހުރާ، ކ. ދިއްފުށި، ޅ. ނައިފަރު، ރ. މަޑުއްވަރި، ރ. ހުޅުދުއްފާރު، ޅ. ފެލިވަރު، ޅ. ހިންނަވަރު، ރ. އަލިފުށި، ގދ. ތިނަދޫ އަދި ޅ. އޮޅުވެލި ފުއްޓެވެ.
އިއްޔެ ރާއްޖެއިން ކޮވިޑް-19 147 މީހުން ޕޮޒިޓިވް ވެފައިވާއިރު އޭގެތެރެއިންވެސް ގިނައިން ޕޮޒިޓިވް ކޭސްތައް ފެނިފައިވަނީ އަތޮޅުތަކުންނެވެ. އެގޮތުން މާލެ ސަރަހައްދުން 65 މީހުން ކޮވިޑަށް ޕޮޒިޓިވް ވެފައިވާއިރު އެހެން ރަށްތަކުން 69 މީހުން ޕޮޒިޓިވް ވެފައިވެއެވެ. ރާއްޖޭގައި މިވަގުތު ކޮވިޑް އެކްޓިވް ކޭސްތަކުގެ ގޮތުގައި ތިބީ 2759 މީހުންނެވެ.