ސ. ފޭދޫ ސިއްހީ މަރުކަޒުގެ ޖާގަ ބޮޑުކޮށް، އެތަން އަޕްގްރޭޑް ކުރަން ކޮންޓްރެކްޓް އުސޫލުން މަސައްކަތް ކުރާނެ ބަޔަކު ހޯދަން ބީލަމަށް ހުޅުވާލުމުން މިއަދު މުއްދަތު ހަމަވި އިރު، ހަތަރު ފަރާތަކުން ކުރިމަތިލައިފި އެވެ.
ސިއްހީ މަރުކަޒު ހިންގެވުމާ ހަވާލުވެ ހުންނެވި އިހުތިޝާމް ނަޖީބް ވިދާޅުވީ ހަތަރު ފަރާތަކުން މިއަދު ޕްރޮޕޯސަލް ހުށަހަޅާފައިވާ ކަމަށެވެ. އޭގެ ތެރޭގައި ހިމެނެނީ މަރަދު އާއި މަރަދޫފޭދޫ ކުންފުނިތަކެކެވެ.
އޭނާ ވިދާޅުވީ ޕްރޮޕޯސަލްތައް އިވެލުއޭޓްކޮށް އަންނަ އާދީއްތަ ދުވަހު އެންމެ ރަނގަޅު ހުށަހެޅުމެއް ހުށަހެޅި ފަރާތަކާ މަސައްކަތް ހަވާލު ކުރާނެ ކަމަށެވެ.
ސިއްހީ މަރުކަޒުގެ ޖާގަ ބޮޑު ހިންގާ މަޝްރޫއުގެ ދަށުން އެތަނުގެ ބޭސް އަޅާ ކޮޓަރި އާއި އިދާރީ އޮފީސް އެއްކޮށް އިމަޖެންސީ ރޫމެއް ހަދައި ބައެއް ބަދަލުތައް ގެންނަން ވަނީ ނިންމާފަ އެވެ.