ފަރްހާން އަހްތަރުގެ އެކްސެލް އެންޓަޓެއިންމަންޓުން ޕްރޮޑިއުސްކޮށް، ރާހުލް ދޮލާކިއާ ޑައިރެކްޓް ކުރާ އާ ފިލްމަށް ޝާހުރުކް ހާން ސޮއިކޮށްފި އެވެ.
މިކަން އެކްޓަރު/ޑައިރެކްޓަރު/ޕްރޮޑިއުސަރު/ސްކްރީން ރައިޓަރު ފަރްހާން ވަނީ ކަށަވަރު ވެސް ކޮށްދީފަ އެވެ. އެކަމަކު އެ ފިލްމުގެ ނަމެއް އަދި ހާމައެއް ނުކުރެ އެވެ.
ފަރްހާން ބުނީ ޝާހް އެ ފިލްމުގައި ފެނިގެން ދާނީ ގުޖުރާތީ ރަސްޓިކް ކެރެކްޓާއަކުން ކަމަށެވެ. އަދި ފިލްމްގެ ވާހަކަ ބިނާކޮށްފައި ވަނީ ކްރައިމް ހާދިސާތަކެއްގެ މައްޗަށް ކަމަށް އޭނާ ބުންޏެވެ.
މި ފިލްްމަށް ޝާހް ސޮއި ކުރިކަން އިއުލާން ކުރި ނަމަވެސް، ފިލްމްގެ އިތުރު އެއްވެސް ކާސްޓަކާ ބެހޭ މައުލޫމާތެއް ވެސް އދި ހާމައެއް ނުކުރެ އެވެ.
ޝާހްގެ ކުރިއަށް ހުރި ފިލްމްތަކުގެ ތެރެއިން އޭނާ މިހާރު މަސައްކަތް ކުރަމުން އަންނަނީ ފަރަހް ހާން ޑައިރެކްޓް ކުރާ "ހެޕީ ނިއު އިޔާ" ގަ އެވެ.
މި ފިލްމްގެ ފުރަތަމަ ޝޫޓިން ޝެޑިއުލް މިދިޔަ މަހު ދުބާއީގައި ވަނީ ނިންމައިފަ އެވެ.
ޝާހްގެ އެންމެ ފަހުގެ ފިލްމް "ޗެންނައި އެކްސްޕްރެސް" ވަނީ ބޮކްސް އޮފީހުގެ ގިނަ ރެކޯޑްތަކެއް މުގުރާލައިފަ އެވެ.