އދ. މާމިނގިލި، އދ. މަހިބަދޫ އަދި ވ. ތިނަދޫ މޮނީޓަރިންގެ ހާލަތަށް ގެނެސްފިއެވެ.
މާމިގިއްޔާއި މަހިބަދޫ މޮނީޓަރިން އަށް ލާފައި ވަނީ ދ. ކުޑަހުވަދޫ އަށް ދަތުރުކުރި މާމިގިލީ މީހަކު ކޮވިޑު19 އަށް ޕޮޒިޓިވް ވުމާ ގުޅިގެން ކޮންޓެކްޓު ޓްރޭސިންގެ މަސައްކަތް ކުރުމަށެވެ
ޕޮޒިޓިވް ކޭސްއަކާ ގުޅިގެން ކޫޑަހުވަދޫ މޮނީޓަރިންގެ ހާލަތަށް ގެނެސްފައިވަނީ މާޗް 17 ވަނަ ދުވަހުއެވެ.
މީގެ އިތުރުން ވ. ތިނަދޫ މޮނީޓަރުންގެ ހާލަތަށް ގެނެސްފައިވަނީ އެރަށޫގައި ޗުއްޓީ ހޭދަކުރި ޕާކިސްތާނު ފަތުރުވެރިއަކު ފުރުމުގެ ކުރިން ނެގި ސާމްޕަލް ކޮވިޑަށް ޕޮޒިޓިވްވުމާ ގުޅިގެންނެވެ. ޕާކިސްތާނުގެ އެ ފަތުރުވެރިޔާ އާއި ރަށުގެ މީހަކު ދިމާވި ކަމަށާއި ކޮންޓެކްޓް ޓްރޭސިންގެ މަސައްކަތް ކުރަމުންދާ ކަމަށް މައުލޫމާތުލިބެއެވެ.
އެޗްޕީއޭއިން މިއަދު ހިއްސާކޮށްފައިވާ މައުލޫމާތުތަކަށް ބަލާލާއިރު މިވަގުތު 18 ރަށެއް އޮތީ މޮނީޓަރިންގެ ހާލަތުގައެވެ. އޭގެތެރެއިން މާމިނގިލި، މަހިބަދޫ އަދި ތިނަދޫ މޮނީޓަރިންގެ ހާލަތަށް ގެނެސްފައިވަނީ މިއަދުއެވެ.