މުމްބާއީގައި އަލަށް އިމާރާތް ކުރަން ހަމަޖެހިފައިވާ ކެންސަރަށް ފަރުވާ ދޭ ހޮސްޕިޓަލަކަށް ބޮލީވުޑްގެ ބަތަލާ ޕްރިޔަންކާ ޗޯޕްޅާ 50 ލައްކަ ރުޕީސް ހަދިޔާކޮށްފި އެވެ.
ދާދި ފަހުން ކެންސަރު ބަލީގައި ބައްޕަ ވެސް ނިޔާވި ޕްރިޔަންކާ ވަނީ އެ ހޮސްޕިޓަލް އިމާރާތް ކުރަމުގެ މަސައްކަތް ފެށުމުގެ ގޮތުން ބާއްވާ ހާއްސަ ހަފުލާގައި ވެސް ބައިވެރިވާން ނިންމައިފަ އެވެ.
މިކަމާ ބެހޭ ގޮތުން އެ ހޮސްޕިޓަލްގެ ފަރާތުން ވާހަަކަ ދެއްކި ތަރުޖަމާން ބުނީ އަލަށް އިމާރާތް ކުރާ ހޮސްޕިޓަލްގައި ވަކިން ހާއްސަކޮށް ކެންސަރަށް އަމާޒުކޮށްފައިވާ ސެކްޝަނެއް ގާއިމު ކުރަން ނިންމާފައިވާ ކަމަށެވެ.
އަދި އެ ސެކްޝަން ހިންގާނީ ޕްރިޔަންކާގެ ބައްޕަ މަރްހޫމް ޑރ. އަޝޯކް ޗޯޕްޅާގެ ނަމުގައި ކަމަށް ވެސް ތަރުޖަމާން ބުންޏެވެ.
ބޮލީވުޑްގެ މަޝްހޫރު ތަރިން އިޖުތިމާއީ މިފަދަ ކަންކަމަށް ފައިސާ ހަދިޔާކޮށް، އެހީތެރިކަން ފޯރުކޮށް ދިނުމަކީ ވަރަށް އާންމު ކަމެކެެވެ.
އޭގެ ތެރޭގައި އަމީތާބް ބައްޗަން، ސަލްމާން ހާން، ޝާހްރުކް ހާން، އާމިރް ހާން އަދި ރިތިކް ރޯޝަން އާއި ޖޯން އަބްރަހަމް ފަދަ ތަރިން ވަކިން ހާއްސަކޮށް ފާހަގަކޮށްލެވެ އެވެ.